رەجيسسەر ساتىبالدى نارىمبەتوۆ ومىردەن وزدى

قازاق كينەماتوگرافياسى ورنى تولماس قازاعا ۇشىرادى.

قازاقستاننىڭ تانىمال رەجيسسەرى، ەڭبەك سىڭىرگەن قايراتكەرى ساتىبالدى نارىمبەتوۆ 75 جاسىندا ومىردەن ءوتتى، دەپ حابارلادى Almaty-akshamy.kz.

«بۇگىن قازاق كينەماتوگرافياسى ورنى تولماس قازاعا ۇشىرادى. كينو مەن ادەبيەتتە وزىندىك سۋرەتكەرلىك الەمىن قالىپتاستىرعان، قازاق كينوسىنا تاماشا تۋىندىلار تارتۋ ەتكەن ساتىبالدى اعامىز كەلمەستىڭ كەمەسىنە ءمىنىپ، ارامىزدان كەتە باردى.

قازاقستان رەسپۋبليكاسى مادەنيەت جانە سپورت مينيسترلىگىنىڭ اتىنان كينورەجيسسور، جازۋشى، «قۇرمەت» وردەنىنىڭ، «پلاتينالى تارلان» سىيلىعىنىڭ يەگەرى، فرانسيا كينو اكادەمياسىنىڭ جورج سادۋل اتىنداعى تاۋەلسىز سىيلىعىنىڭ لاۋرەاتى، قازاقستاننىڭ ەڭبەك سىڭىرگەن قايراتكەرى ساتىبالدى جالەل ۇلى نارىمبەتوۆتىڭ قايتىس بولۋىنا بايلانىستى وتباسى مەن جاقىندارىنىڭ قايعىسىنا ورتاقتاسىپ، كوڭىل ايتامىن. ءار ءفيلمى مەن شىعارماسى ارقىلى سول زاماننىڭ تىنىس-تىرشىلىگىن، اۋانىن جەتكىزۋگە تىرىساتىن مەتردىڭ اسىل بەينەسى قالىڭ قازاقتىڭ كوڭىل ءتورى مەن جۇرەك تۇكپىرىندە ماڭگى ساقتالادى. مارقۇمنىڭ كوزى تىرىسىندە جاساعان يگى-جاقسى امالدارى الدىنان جارىلقاسىن. جاتقان جەرى جايلى، توپىراعى تورقا بولسىن»،– دەپ جازدى مادەنيەت جانە سپورت ءمينيسترى اقتوتى رايىمقۇلوۆا Facebook -تەگى پاراقشاسىندا.