تۇركيا پرەزيدەنتى رەجەپ تاييپ ەردوعاننىڭ ۇشاعى استاناعا قوندى. ەلوردا اۋەجايىندا تۇرىك باسشىسىن پرەمەر-مينيستر ولجاس بەكتەنوۆ قارسى الدى، دەپ حابارلايدى اlmaty-akshamy.kz.
رەجەپ تايىپ ەردوعان 3-4 شىلدەدە وتەتىن شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24ء-شى وتىرىسىنا قاتىسادى. تۇركيا — ۇيىمعا سەرىكتەس ەل.
ايتا كەتۋ كەرەك، تۇركيا قازاقستاننىڭ ەڭ ءىرى ساۋدا سەرىكتەستەرىنىڭ بەستىگىنە ءارى ينۆەستور ەلدەردىڭ ۇزدىك 20-نا كىرەدى.
وسى جىلدىڭ 4 ايىندا ءوزارا ساۋدا كولەمى $1،6 ملرد-قا جەتتى. ەكى ەلدىڭ ۇكىمەتتەرى ساۋدانىڭ تۇراقتى كولەمىن كەمىندە $10 ملرد دەڭگەيىندە جوسپارلى تۇردە قامتاماسىز ەتۋ بويىنشا جۇمىس ىستەۋدە.