اۋە رەيسىنە كەشىككەن جولاۋشى پوليسياعا ۇشاقتا جارىلعىش زات بار دەپ حابارلاسىپ، كەيىن ءازىل ەكەندىگىن ايتقان. اتالعان ازامات ۇستالىپ، ۋاقىتشا ۇستاۋ يزولياتورىنا قامالدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«1 قازان كۇنى تۇسكى ۋاقىتتا «102» وپەراتورىنا بەلگىسىز ەر ادامنان «استانا – تالدىقورعان» باعىتىنداعى ۇشاقتا جارىلعىش زات جاسىرىلعانى تۋرالى حابارلاما كەلدى. ءبىراز ۋاقىتتان كەيىن ول قايتا قوڭىراۋ شالىپ، بۇل ءازىل ەكەندىگىن ايتقان. حابارلامادان كەيىن جەدەل قىزمەت شۇعىل وقيعا ورنىنا جەتتى»، - دەلىنگەن حابارلامادا.
رەسمي اقپاراتتا ايتىلعانداي، كولىك پوليسياسىنىڭ قىزمەتكەرلەرى 37 جاستاعى ەر ادامدى ۇستاعان جانە ول كىناسىن مويىنداعان.
«قوڭىراۋ شالعان ازاماتتىڭ تالدىقورعان قالاسىنا ۇشپاق بولعاندىعى انىقتالدى. الايدا رەيسكە كەشىگىپ، ول وسىلايشا ۋاقىت سوزباق بولعان. اتالعان فاكت ق ر قك-نىڭ 273-بابىنىڭ 1-بولىگى بويىنشا (تەرروريزم اكتىسى تۋرالى كورىنەۋ جالعان حابارلاما) تىركەلدى»، - دەيدى ۆەدومستۆودان.
ىشكى ىستەر مينيسترلىگىنىڭ مالىمەتىنشە، ۇستالعان ادام ۋاقىتشا ۇستاۋ يزولياتورىنا قامالدى.