ەكى جاۋاپ تا تاڭدالعان بيۋللەتەندەردىڭ سانى جارامدى دەپ تانىلدى، ءبىراق داۋىستاردى ساناۋ كەزىندە زاڭدى سانالمايدى.
ورتالىق سايلاۋ كوميسسياسىنىڭ ءتوراعاسى نۇرلان ءابدىروۆتىڭ ايتۋىنشا، ق ر كونستيتۋسياسىنا وزگەرىستەر مەن تولىقتىرۋلار ەنگىزۋ جونىندەگى رەفەرەندۋمدا بيۋللەتەندەردىڭ 2،58 پايىزى جارامسىز دەپ تانىلدى، دەپ حابارلايدى Almaty-akshamy.kz
«انىقتالماعان نەمەسە داۋىس بەرگەندەردىڭ ەركىن انىقتاۋ مۇمكىن بولمايتىن بيۋللەتەن قاعازدارى زاڭ بويىنشا جارامسىز دەپ تانىلدى. مۇنداي بيۋللەتەندەردىڭ سانى 2،58 پايىزدى نەمەسە 206 096 بيۋللەتەندى قۇرادى»، - دەدى ءابدىروۆ دۇيسەنبى كۇنى وتكەن بريفينگتە.
ەكى جاۋاپ تا تاڭدالعان بيۋللەتەندەردىڭ سانى جارامدى دەپ تانىلدى، ءبىراق داۋىستاردى ساناۋ كەزىندە زاڭمەن ەسكەرىلمەيدى. مۇنداي بيۋللەتەندەردىڭ سانى 1،58% نەمەسە 125 859 بولدى.
جەكسەنبى كۇنى قازاقستاندا كونستيتۋسياعا وزگەرىستەر مەن تولىقتىرۋلار ەنگىزۋ بويىنشا رەسپۋبليكالىق رەفەرەندۋم ءوتتى.
وسك-نىڭ الدىن الا مالىمەتى بويىنشا، رەفەرەندۋمعا سايلاۋشىلاردىڭ 68،06 پايىزى نەمەسە 7 986 293 ادام قاتىستى.
رەفەرەندۋمعا قويىلعان ماسەلەنى وڭ شەشۋگە سايلاۋشىلاردىڭ 77،18 پايىزى، تەرىس شەشىمگە 18،66 پايىزى داۋىس بەردى.