رەفەرەندۋم بۇكىل قوعامنىڭ دامۋىنا تىڭ سەرپىن بەرەدى

كونستيتۋسيالىق تۇزەتۋلەر مەملەكەتتىگىمىزدىڭ تۇعىرناماسىن تۇبەگەيلى وزگەرتەدى. 

بۇل تۋرالى «AMANAT» پارتياسى الماتى قالالىق شتابىنىڭ مۇشەسى تولەۋعالي تايتولەيەۆ ايتتى، دەپ حابارلايدى Almaty-akshamy.kz.

جاڭا قازاقستان تاريحىنداعى ماڭىزدى بەلەستەردىڭ، نەگىزگى قادامداردىڭ ءبىرى بولعان رەفەرەندۋمنىڭ قورىتىندىسى بويىنشا پرەزيدەنتىمىز حالىققا ۇندەۋ جاساپ، ۇلتىمىزدىڭ شىنايى وزگەرىستەرگە دەگەن دايىندىعى مەن ۇيىمشىلدىعىن كورسەتكەنىن، قوعامىمىزدىڭ كەمەلدىگى مەن جاۋاپكەرشىلىگىن تانىتىپ، داۋىس بەرۋگە ازاماتتارىمىزدىڭ بەلسەندى قاتىسىپ، ەلىمىزدى جاڭعىرتۋ باستاماسىن قولداعانداردىڭ بارىنە العىس ايتتى. 

«كونستيتۋسيالىق تۇزەتۋلەر مەملەكەتتىگىمىزدىڭ تۇعىرناماسىن تۇبەگەيلى وزگەرتەدى. بۇكىل قوعامنىڭ دامۋىنا تىڭ سەرپىن بەرەدى.
رەفەرەندۋمعا بەلسەنە قاتىسىپ، قولداۋ بىلدىرگەن بارشا حالقىمىزعا زور ريزاشىلىعىمدى بىلدىرەمىن. سونداي-اق، كونستيتۋسيالىق وزگەرىستەردىڭ ءمان-ماڭىزىن تۇسىندىرۋگە اتسالىسقان ازاماتتارعا، ءتۇرلى قوعامدىق ۇيىمدارعا العىس ايتامىن»، دەدى قاسىم-جومارت توقايەۆ.

ءيا، «Amanat» پارتياسىنىڭ قالالىق شتاب مۇشەسى رەتىندە ۇگىت-ناسيحات جۇمىستارىن جۇرگىزىپ ءجۇرىپ، حالىقتىڭ بەلسەندىلگى جوعارى ەكەنىنە كوزىم جەتتى. سايلاۋ كۇنى دە وسى بەلسەندىلىكتى كورە الدىم. حالىق قوعامنىڭ وزگەرىسىن كوپ كۇتتى جانە سوعان جەتۋ جولىندا جۇدىرىقتاي جۇمىلا الدى. 

ق-ج. توقايەۆتىڭ سوزىمەن ايتسام «ەندى ءبىزدىڭ الدىمىزدا اشىق ءارى ادىلەتتى ەكونوميكا قۇرىپ، زاڭناماعا رەفورما جۇرگىزۋ مىندەتى تۇر. قولدان جاسالعان مونوپوليالاردى تۇبەگەيلى جويىپ، سىبايلاس جەمقورلىققا توسقاۋىل قويۋ ماڭىزدى. ءبىز كاسىپكەرلەردىڭ باستامالارىنا قولداۋ كورسەتىپ، جەكەمەنشىكتى ساقتاپ، باسەكەلەستىكتى كۇشەيتۋىمىز كەرەك». 

5 ماۋسىم كۇنى زور جاۋاپكەرشىلىك جانە وتانسۇيگىشتىك قاسيەتىن پاش ەتكەن ءبىزدىڭ قوعام، وسى قاسيەتىمىزدەن ايىرىلماي جاڭا، ادىلەتتى قازاقستاندى قۇرۋ جولىنداعى بىرلىگىمىز بەكەم ەكەنىن كورسەتەيىك.