بۇگىن ەلوردا ۋاقىتى بويىنشا تاڭعى ساعات 7.00-دەن باستاپ داۋىس بەرۋ باستالدى.
سايلاۋ ۋچاسكەلەرى 20:00-دە جابىلادى، دەپ حابارلايدى Almaty-akshamy.kz
رەفەرەندۋمعا 18 جاسقا تولعان قازاقستاندىقتار قاتىسا الادى. جالپى تىزىمگە 11،7 ميلليون ادام ەنگىزىلدى. سوت ارەكەتكە قابىلەتسىز دەپ تانىعان، سونداي-اق سوت ۇكىمى بويىنشا باس بوستاندىعىنان ايىرۋ ورىندارىندا جۇرگەن ازاماتتاردىڭ داۋىس بەرۋگە قۇقىعى جوق.
تۇزەتۋلەر قابىلدانسا، قازاقستان كونستيتۋسياسى التىنشى رەت وزگەرتىلمەك. اتا زاڭىمىز 1995 جىلى 30 تامىزدا قابىلداندى. 1998، 2007، 2011، 2017 جانە 2019 جىلدارى كونستيتۋسياعا وزگەرىستەر مەن تولىقتىرۋلار ەنگىزىلدى. بارلىعى 93 تۇزەتۋ ەنگىزىلگەن.