وبلىستىق، اۋداندىق رەفەرەندۋم ۋچاسكەلەرىنىڭ دايىندىقتارى پىسىقتالدى.
بەسىنشى ماۋسىمدا وتەتىن رەسپۋبليكالىق رەفەرەندۋم قارساڭىندا ورتالىق رەفەرەندۋم كوميسسياسىنىڭ مۇشەسى سابيلا مۇستافينا تالعار اۋدانىندا سايلاۋ ۋچاسكەلەرىن ارالادى، دەپ حابارلايدى Almaty-akshamy.kz «حابار 24»-كە سىلتەمە جاساپ.
مۇستافينانىڭ ايتۋىنشا، كەيبىر كوميسسيا مۇشەسىنىڭ ساياسي ناۋقاندى وتكىزۋدە تاجىريبەسى جوق. سەبەبى ەلىمىزدە رەفەرەندۋم سوڭعى رەت 1995 جىلى وتكەن. سوندىقتان ايماقتاردا سەمينار-كەڭەس وتكىزىلىپ، كومميسيا مۇشەلەرى دايىندىقتان ءوتىپ جاتىر.
"بىزدە تاجىريبەسى جوق جاڭا كوميسسيا مۇشەلەرى بار. بىرىنشىدەن، ءبىز وسى كونتينگەنتپەن رەسپۋبليكالىق رەفەرەندۋمدا نە ىستەۋ كەرەكتىگىن، داۋىس بەرۋ، ەسەپتەۋ ءتارتىبىن باسىنان اياعىنا دەيىن تولىعىمەن ۇيرەتۋ ءۇشىن جۇمىس ىستەپ جاتىرمىز. قازىرگى ۋاقىتتا كوميسسيا مۇشەلەرىنىڭ بارلىعى دەرلىك قاشىقتان وقىتۋدى اياقتادى. ءقازىر ءبىز كاسكادتىق ادىسپەن وقىتۋدى باستادىق، بۇل دا كوميسسيا مۇشەلەرىنىڭ 100 پروسەنتىن قامتيتىن بولادى"، - دەدى وبلىستىق رەفەرەندۋم كوميسسياسىنىڭ ءتوراعاسى تيمۋر داۋىتوۆ.