الماتى تۇرعىندارى ءۇشىن قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ ماسەلەسى بويىنشا 2022 جىلعى 5 ماۋسىمعا بەلگىلەنگەن رەسپۋبليكالىق رەفەرەندۋم تۋرالى اقپارات بەرەتىن ءبىرىڭعاي Call-ورتالىق ىسكە قوسىلدى.
Call-ورتالىق حالىقتى اقپاراتتاندىرۋ جانە قالا تۇرعىندارىنا رەفەرەندۋم ماسەلەلەرى بويىنشا كەڭەستەر بەرۋ ءارى داۋىس بەرۋ پروسەسىنە تارتۋ ءۇشىن قۇرىلعان، دەپ حابارلايدى Almaty-akshamy.kz
ءبىرىڭعاي ساll ورتالىققا +7 (727) 3384545 تەلەفونى بويىنشا حابارلاسىپ، ءوزىڭىزدى رەسپۋبليكالىق رەفەرەندۋمعا قاتىسۋعا قۇقىعى بار ازاماتتار تىزىمىنەن تەكسەرۋگە، سونداي-اق ءوز ۋچاسكەڭىزدىڭ ءنومىرى مەن مەكەنجايىن ناقتىلاۋعا بولادى.
قوڭىراۋ شالۋ بارىسىندا Call-ورتالىقتىڭ وپەراتورلارى ازاماتتاردىڭ مۇمكىندىكتەرىنە، داۋىس بەرۋ راسىمدەرىنە جانە رەفەرەندۋم كۇنىندەگى ۋچاسكەلەردىڭ جۇمىسىنا قاتىستى بارلىق زاڭنامالىق نورمالاردى تۇسىندىرەدى.
Call-ورتالىق قوڭىراۋلاردى كۇن سايىن ءۇزىلىسسىز جانە دەمالىس كۇندەرى، سونداي-اق داۋىس بەرىلەتىن كۇننىڭ سوڭىنا دەيىن ساعات 8:00-دەن 20:00-گە دەيىن قابىلدايدى، open-almaty.kz سايتىندا داۋىس بەرۋگە ارنالعان ۋچاسكە تۋرالى اقپارات الۋ جونىندەگى فۋنكسيونال قولجەتىمدى، قاجەتتى اقپاراتتى Telegram-بوت @ReferendumAlmaty2022Bot ارقىلى دا الۋعا بولادى. ءوزىڭىزدى تىزىمدەردەن تابۋ جانە مالىمەتتەردى الۋ ءۇشىن جسن ءنومىرىن ەنگىزۋ قاجەت.
رەفەرەندۋمعا «2022 جىلعى 6 مامىردا بۇقارالىق اقپارات قۇرالدارىندا جاريالانعان «قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىندا باياندالعان قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلاردى قابىلدايسىز با؟» دەگەن سۇراق قويىلعان.
پرەزيدەنت قاسىم-جومارت توقايەۆتىڭ جارلىعىمەن رەفەرەندۋم ازاماتتاردىڭ ەرىكتى تۇردە قاتىسۋى، ويىن ەركىن ءبىلدىرۋى، سونداي-اق جالپىعا بىردەي، تەڭ، تىكەلەي جانە جاسىرىن داۋىس بەرۋ قاعيداتتارى بويىنشا وتەدى.
ەسكە الساق، رەسپۋبليكالىق رەفەرەندۋم 2022 جىلدىڭ 5 ماۋسىمىندا وتەدى. الماتىدا بارلىعى 574 سايلاۋ ۋچاسكەسى جۇمىس ىستەيتىن بولادى. تولىق اقپارات الماتى اكىمدىگىنىڭ سايتىندا قولجەتىمدى.