رەفەرەندۋمدا 11 مىڭنان استام قازاقستاندىق شەت مەملەكەتتەردە داۋىس بەرەدى.
بۇل تۋرالى ق ر سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى جالعاس ادىلبايەۆ ايتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
«ق ر سىرتقى ىستەر مينيسترلىگى 52 شەت مەملەكەتتە 65 ۋچاسكەلىك رەفەرەندۋم كوميسسياسىن قۇردى. اتالعان كوميسسيالاردىڭ بارلىق 325 مۇشەسى قاشىقتان وقىتۋدان ءوتىپ، رەسپۋبليكالىق رەفەرەندۋمنىڭ قۇقىقتىق نەگىزدەرى مەن رەفەرەندۋم كوميسسيالارىنىڭ جۇمىسىن ۇيىمداستىرۋ باعدارلاماسى بويىنشا ارناۋلى تەستىلەۋدەن ءوتتى. قازىرگى ۋاقىتتا شەتەلدەن ۇسىنىلعان بەلسەندى داۋىس بەرۋ قۇقىقتارى بار شەت ەلدەردە جۇرگەن قازاقستان ازاماتتارىنىڭ الدىن الا ءتىزىمىنىڭ نەگىزىندە سايلاۋشىلارىمىزدىڭ سانى شامامەن 11 350 ادامدى قۇرايدى»، - دەدى ول ورتالىق سايلاۋ كوميسسياسىنىڭ وتىرىسىندا.
ونىڭ اتاپ وتۋىنشە، مينيسترلىك شەتەلدەگى بارلىق ۋچاسكەلەرمەن بايلانىس ورناتقان. داۋىس بەرۋ بيۋلەتەندەرى جەتكىزىلىپ جاتىر.
«گونكونگ، شانحايداعى جاعدايعا بايلانىستى بيۋلەتەندەردى DHL كۋرەرلىك قىزمەتى ارقىلى جەتكىزدىك. تۇرىكمەنستانعا دەمالىستان ورالاتىن تۇرىكمەنباشى قالاسىنداعى كونسۋل ارقىلى جەتكىزىلدى. قالعان 61 ۋچاسكەگە ءبىزدىڭ قىزمەتكەرلەرىمىز ديپلوماتيالىق كۋرەرمەن ءىسساپارعا بارىپ، جەتكىزدى. قازىرگى ۋاقىتتا 55 ۋچاسكەمىز قاجەتتى ماتەريالداردى الدى. قالعان ۋچاسكەلەرگە بيۋللەتەن بۇگىن تولىق جەتكىزىلەدى دەپ وتىرمىز»، - دەدى جالعاس ادىلبايەۆ.