بۇگىندە جازاسىن وتەپ جاتقان 1000 ادام بوستاندىققا شىعادى. قوعامعا بۇدان بىلاي ءقاۋىپ توندىرمەيتىن قىلمىسكەرلەرگە راقىمشىلىق جاسالماق دەپ حابارلايدى almaty-akshamy.kz
قازاقستان تاۋەلسىزدىگىنىڭ وتىز جىلدىعىنا وراي قولعا الىنعان شارا اياسىندا ايەلدەر، ەگدە جاستاعى ەر ازاماتتار مەن كامەلەت جاسىنا تولماعانداردىڭ جازاسىن جەڭىلدەتۋ قاراستىرىلعان. ال پارامەن ۇستالعان ازاماتتارعا راقىمشىلىق جاسالا ما؟
راقىمشىلىق تۋرالى زاڭ جوباسى تەرىس قىلىعى ءۇشىن نەمەسە ونشا اۋىر ەمەس، سونداي-اق اۋىرلىعى ورتاشا قىلمىسى ءۇشىن ءىستى بولعانداردىڭ جازاسىن جەڭىلدەتىپ، كەيبىرىن ءتىپتى بوساتۋدى كوزدەيدى. مۇنداي راقىمشىلىق 1 مىڭ ادامعا جاسالادى.
پروباسيادا تۇرعان 11 مىڭنان استام قىلمىسكەردىڭ جازاسى جەڭىلدەسە، تاعى 1 294 ادامنىڭ جازاسىن وتەۋ مەرزىمى قىسقارادى. ۇستىنەن تەرگەۋ ءىسى ەندى باستالعان 1 674 ازامات قىلمىستىق جاۋاپكەرشىلىكتەن مۇلدە بوساتىلۋى مۇمكىن.
جالپى، ەلىمىزدە 34 مىڭ ازامات ءقازىر تۇزەتۋ مەكەمەلەرىندە جازاسىن وتەپ جاتىر.
– راقىمشىلىق ارداگەرلەرگە، كامەلەتتىك جاسقا تولماعاندارعا، ەگدە جاستاعىلارعا، 1 جانە 2 توپتاعى مۇگەلەكتەرگە، سونداي-اق قوعامعا ءقاۋىپ توندىرمەيتىندەرگە قولدانىلادى. زاڭ جوباسى مەملەكەتتىك ورگان وكىلدەرىمەن، قوعام قايراتكەرلەرىمەن، جانە ساراپشىلارمەن تالقىلاندى - دەيدى ق ر ىشكى ىستەر ءمينيسترى ەرلان تۇرعىمبايەۆ.