رامەن لاپشاسى تەك جاپونيادا ەمەس، بۇكىل الەمدە تانىمال. الايدا بۇل تاعامعا دەگەن شەكتەن تىس اۋەستىك ءقاۋىپتى ەكەنى ايتىلدى، - دەپ حابارلايدى اqshamnews.kz ءتىلشىسى "دوكتور پيتەرگە" سىلتەمە جاساپ.
رامەن – بيداي ۇنىنان جاسالعان ءداستۇرلى جاپون لاپشاسى. ادەتتە سورپاعا ەت، كوكونىس، بالدىر جانە باسقا قوسپالار قوسىلادى. ءتۇرلى نۇسقالارى بار. جاقىندا جۇرگىزىلگەن ساۋالناماعا سايكەس، جاپوندار باسقا لاپشا تۇرلەرىنە قاراعاندا رامەندى كوبىرەك ساتىپ الادى.
جاپون عالىمدارى رامەندى ءجيى جەۋدىڭ ولىم-جىتىمگە اسەرىن زەرتتەپ، جاعىمسىز قورىتىندىعا كەلدى. Sciencedirect جۋرنالىندا جاريالانعان مالىمەتكە سايكەس، رامەندى ءجيى تۇتىنعان سايىن مەزگىلسىز ءولىم ءقاۋپى دە جوعارىلايدى.
زەرتتەۋگە 40 جاستان اسقان 6،7 مىڭنان اسا جاپون قاتىستى، ولاردىڭ ۇشتەن ءبىرى – ەر ادامدار. قاتىسۋشىلار ساۋالناما تولتىرىپ، دەنساۋلىعى، زياندى ادەتتەرى جانە رامەندى قانشالىق ءجيى جەيتىنى تۋرالى اقپارات بەردى.
- قاتىسۋشىلاردىڭ 46،7 پايىزى رامەندى ايىنا 1–3 رەت ىشكەن.
- شامامەن 27 پايىز-ى – اپتاسىنا 1–2 رەت.
- 7،4 پايىزى – اپتاسىنا 3 رەتتەن ءجيى جەگەن.
زەرتتەۋ بىرنەشە جىلعا سوزىلدى. ناتيجەسىندە ەڭ جوعارى ءولىم ءقاۋپى:
- اپتاسىنا 3 رەتتەن ءجيى رامەن جەيتىندەردە بولعان؛
- سورپانىڭ جارتىسىنان كوبىن ىشكەندەردە (سەبەبى تۇزى وتە كوپ)؛
- رامەندى الكوگولمەن بىرگە تۇتىنعانداردا انىقتالدى.
عالىمداردىڭ ايتۋىنشا، مۇنىڭ باستى سەبەبى – تاعامداعى شامادان تىس تۇز مولشەرى.
"تۇزدى كوپ جەۋ ينسۋلت، اسقازان وبىرى سياقتى جۇرەك-قان تامىر اۋرۋلارىنا اكەلەدى. رامەندە ادەتتى تۇز كوپ، سوندىقتان ونى ءجيى جەۋ وسى اۋرۋلار ارقىلى ولىمگە اكەلۋى مۇمكىن"، – دەلىنگەن زەرتتەۋدە.
سونىمەن قاتار، رامەندى ءجيى تۇتىنعاندار اراسىندا دەنە سالماعى يندەكسى جوعارى، تەمەكى شەگەتىن، الكوگول ىشەتىن، قانت ديابەتى مەن گيپەرتونياسى بار ادامدار كوبىرەك بولعان.