رامازان – قۇران تۇسكەن قاسيەتتى اي. بۇل ايدا ورازا ۇستاعاندارعا سانسىز ساۋاپ سىيلانىپ، دۇعا-تىلەكتەرى قابىل بولادى. اللا ەلشىسى (وعان اللانىڭ يگىلىگى مەن سالەمى بولسىن) بىلاي دەپ ايتقان: «شىنىندا، اللا تاعالانىڭ الدىندا سونداي ادامدار بار: اللا ولاردى رامازاننىڭ ءاربىر كۇندىزى مەن تۇنىندە وتتان بوساتادى جانە، شىنىندا، ءاربىر مۇسىلمان رامازاننىڭ تۇنىندە دە، كۇندىزىندە دە ءوزىنىڭ دۇعاسىنا جاۋاپ الىپ وتىرادى».
رامازان – قۇران تۇسكەن قاسيەتتى اي. بۇل ايدا ورازا ۇستاعاندارعا سانسىز ساۋاپ سىيلانىپ، دۇعا-تىلەكتەرى قابىل بولادى. اللا ەلشىسى (وعان اللانىڭ يگىلىگى مەن سالەمى بولسىن) بىلاي دەپ ايتقان: «شىنىندا، اللا تاعالانىڭ الدىندا سونداي ادامدار بار: اللا ولاردى رامازاننىڭ ءاربىر كۇندىزى مەن تۇنىندە وتتان بوساتادى جانە، شىنىندا، ءاربىر مۇسىلمان رامازاننىڭ تۇنىندە دە، كۇندىزىندە دە ءوزىنىڭ دۇعاسىنا جاۋاپ الىپ وتىرادى».
تاعى دا قايتالاپ ايتايىق، رامازان ايى – قۇران ايى! بۇل مۇباراك ايدا اللا تاعالانىڭ كۇللى ادامزاتقا جىبەرگەن سوڭعى كىتابى – قۇران كارىم تۇسكەندىكتەن، مۇميندەر وسى ايدا قاسيەتتى كىتاپتى كوبىرەك وقىپ، ماعىنالارىن زەردەلەپ، امالدار قولدانۋى ءلازىم.
نەگىزى ورازانى ادامزاتقا بەرىلگەن زور مۇمكىندىك دەپ ايتۋعا بولادى. كۇنالاردان قۇلان-تازا ايىعۋعا، جاقسىلىققا وزگەرۋگە، ءناپسىنى تاربيەلەۋگە، تاقۋالىققا جەتۋگە، زور تابىسقا يە بولۋعا، سۇراعانى بەرىلۋگە، تاۋسىلمايتىن نىعمەتتەر مەن ماڭگىلىك باقىتقا بولەنۋگە بەرىلگەن ەرەكشە مۇمكىندىك.
ورازا – ناعىز سابىرلىلار مەن ۇستامدىلاردىڭ، راببىسىنىڭ رازىلىعى مەن شىن باقىتتى ىزدەۋشىلەردىڭ سىنالار شاعى بۇل. بۇل رەتتە ءبىز بىرنارسەنى ۇمىتپاۋىمىز كەرەك. قيىندىق كۇشەيگەن سايىن ونىڭ ساۋابى دا ەسەلەنىپ بەرىلەدى. ماسەلەن، اللا ەلشىسى (ول كىسىگە اللانىڭ يگىلىگى مەن سالەمى بولسىن) ايشا انامىزعا قوشتاسۋ قاجىلىعىندا: «ساۋابىڭ شارشاعانىڭا بايلانىستى»، – دەگەن. سونداي-اق، پايعامبارىمىز (س.ع.س.) قاتتى سۋىقتا تولىق دارەت العان ادامعا ەكى ەسە كوپ ساۋاپ بەرىلەتىنىن ايتقان بولاتىن. ونىمەن قوسا، قۇراندى قاتەسىز، كوركەم وقۋشىعا قۇراننىڭ ءار ءارپى ءۇشىن ون ساۋاپ جازىلسا، ال قينالىپ، دۇرىس وقىعان ادامعا جيىرما ساۋاپ جازىلادى.
تاعى ءبىر ايتا كەتەر ماسەلە، ءبىز ورازا دەگەندە تەك دەنەنىڭ ورازاسىن ويلاماۋىمىز كەرەك. ورازا دەنەمەن قاتار رۋحاني جاعىنان دا تىيىلۋدى كوزدەيدى. جەمەك-ىشپەكتەن اۋلاق بولىپ، اۋزىنا، كوزىنە، تىلىنە، قۇلاعىنا ورازا ۇستاتپاعان ادامنىڭ ورازاسى تولىق بولمايدى. ونداي ادام تەك اش تۇرعانمەن تەڭ بولادى. الايدا، ورازاداعى ماقسات – دەنەگە ءھام رۋحقا ورازا ۇستاتۋ، عايباتتان، حارامعا قاراۋدان، حارامدى ەستۋدەن، وتىرىك ايتۋدان، جامان سوزدەر ايتۋدان، جالا جابۋدان تىيىلۋ. سول سەبەپتى، پايعامبارىمىز ءبىر حاديسىندە: «وتىرىك ايتۋدى ناداندىق كەزىندەگىدەي تاستاماعان ورازا ۇستاۋشىنىڭ ىشىپ-جەۋدى تاستاۋىنا اللا تاعالانىڭ مۇقتاجدىعى جوق!» – دەگەن. سوندىقتان بۇعان وتە ۇقىپتىلىقپەن، ساقتىقپەن قاراعانىمىز ءجون.
قاسيەتتى قۇراندا بىلاي دەپ ايتىلادى:
«رامازان ايى سونداي ءبىر اي، ول ايدا ادام بالاسىنا تۋرا جول جانە (اق پەن قارانى) ايىراتىن دالەل تۇرىندە قۇران ءتۇسىرىلدى. سەندەردەن كىم رامازان ايىندا بولسا، ورازا ۇستاسىن. ال بىرەۋ ناۋقاس نە ساپاردا بولسا، باسقا كۇندەردە سانىن تولتىرسىن. اللا سەندەرگە وڭايلىق قالايدى، اۋىرلىق قالامايدى. سەندەردى تۋرا جولعا سالعان اللاعا شۇكىرلىك ەتۋلەرىڭ ءۇشىن سانىن تولتىرىڭدار ءارى اللانى ۇلىقتاڭدار!» (باقارا سۇرەسى، 185-ايات).
ال ەگەر كىمدە-كىم رامازاندا ادەيى ەشقانداي سەبەپسىز ورازاسىن بۇزسا، وعان كاففارات رەتىندە ءبىر قۇلدى نەمەسە كۇڭدى ازات ەتۋى، ەگەر وعان شاماسى جەتپەسە، ەكى اي قاتارىنان ورازا ۇستاۋى، ەگەر بۇعان دا كۇشى جەتپەسە، الپىس جوق-جىتىكتى تاماقتاندىرۋى ءتيىس. قۇراندا بۇل جايلى بىلاي دەلىنەدى:
«باستاعان ىزگى ىستەرىڭدى بۇزباڭدار». پايعامبارىمىز بىلاي دەيدى: «كىمدە-كىم رامازاندا ورازاسىن بۇزسا، وعان زيھار جاساعان ادامعا ءتيىستى (كاففارات) جۇكتەلەدى».