رايىمبەك داڭعىلى، 206 «ك» ءۇيىنىڭ تۇرعىندارى ءقازىر جاڭارتىلعان جانە جايلى ۇيدە تۇرادى. مۇنىڭ ءبارى 2023-2029 جىلدارعا ارنالعان تۇرعىن ۇي-كوممۋنالدىق ينفراقۇرىلىمدى دامىتۋ تۇجىرىمدامالارى اياسىندا ينجەنەرلىك جەلىلەردى، شاتىردى كۇردەلى جوندەۋدىڭ جانە ليفتتەردى اۋىستىرۋدىڭ ناتيجەسىندە مۇمكىن بولدى.
نە جاسالدى:
- بارلىق ينجەنەرلىك جەلىلەر اۋىستىرىلدى (ىستىق جانە سۋىق سۋمەن جابدىقتاۋ، جىلىتۋ، كارىز)؛
- شاتىر جوندەلدى؛
- ىڭعايلى سيفرلىق باسقارۋمەن جاڭا ليفتتەر ورناتىلدى.
تۇرعىنداردىڭ وزدەرى ايتادى:
ەلميرا نارتبايەۆا، مۇلىك يەلەرىنىڭ بىرلەستىگىنىڭ ءتوراعاسى:
«ەندىگىدە ءليفتىمىز جاڭا تۇرعىن ۇيلەردەگىدەي: ونىڭ قايدا جانە قالاي كوتەرىلگەنىن باقىلاپ وتىرۋعا بولادى. بارلىعى تۇسىنىكتى، ىڭعايلى، ادەمى. «تۇرعىن ءۇي»، راحمەت!».
قالدىباي تاشكەنبايەۆ، تۇرعىن:
«شاتىر جوندەلدى، قۇبىرلار مەن ەلەكتر جەلىلەرى اۋىستىرىلدى، كىرەبەرىس وتە ادەمى! ليفت – جاڭا، زاماناۋي. كوپ راحمەت!»
بارلىق جۇمىستار بەكىتىلگەن جوبالاۋ-سمەتالىق قۇجاتتاماعا قاتاڭ سايكەس جۇرگىزىلدى جانە قابىلداندى. تۇرعىن ءۇيدى جاڭعىرتۋ باعدارلاماسىنىڭ ارتىقشىلىقتارى:
* 7 جىلدان 15 جىلعا دەيىن ءبولىپ تولەۋ.
* پايىزدار ەسەپتەلمەيدى.
* ورىندالعان جۇمىستارعا كەپىلدىك مەرزىمى – 24 اي.
* ءۇيدىڭ جاعدايىن جاقسارتۋ، كوممۋنالدىق شىعىنداردى ازايتۋ، پاتەرلەردىڭ نارىقتىق قۇنىن ارتتىرۋ.
تۇرعىن ءۇي قورىن جاڭعىرتۋ باعدارلاماسىنا قالاي قاتىسۋعا بولادى؟
قاتىسۋ ءۇشىن قاجەتتى قۇجاتتار؟
1. 1 الدىن الا سمەتانى جانە اقاۋلى اكتىنى ازىرلەۋگە باسقارۋ ورگانىنان ءوتىنىش.
2. جالپى جينالىس حاتتاماسى. (مەنشىك يەلەرىنىڭ 51%-دان استامىنىڭ كەلىسىمىمەن).
3. بەكىتىلگەن اقاۋلى اكت جانە الدىن الا سمەتالىق ەسەپ.
4. پاتەرگە مەنشىك قۇقىعى تۋرالى باستاماشىل توپتان انىقتاما.
5. پاتەرلەر مەن تۇرعىن ەمەس ءۇي-جايلاردىڭ الاڭدارى.
6. باسقارۋ ورگانىنىڭ قۇرىلتاي قۇجاتتارى جانە قاتىسۋشى ۇيگە قىزمەت كورسەتۋ قۇقىعىن راستاۋ (حاتتاما، شارت، سەنىمحات).
7. ءۇيدىڭ تەحنيكالىق ءتولقۇجاتىنىڭ كوشىرمەسى.
ءوتىنىم بەرگەننەن كەيىن «الماتى تۇرعىن ءۇي» ج ش س ماماندارى عيماراتتىڭ جاي-كۇيىنە باعا بەرىپ، مودەرنيزاسيالاۋدىڭ وڭتايلى نۇسقالارىن ۇسىنادى.
كەڭەس الۋ ءۇشىن بايلانىس:
تەلەفون: +7 727 225 14 62
WhatsApp: +7 (701) 823-66-67
مەكەنجايى: الماتى ق.، عابدۋللين ك-سى، 90ا، 5-كابينەت.