بىرلەسىپ ورىنداۋعا كۇش سالۋ ماڭىزدى.
قازاقستاندىق بيزنەسمەندەر وتاندىق كاسىپكەرلەردى مەملەكەت باسشىسى تاپسىرمالارىن ورىنداۋ ءۇشىن بىرىگۋگە شاقىردى. بۇل تۋرالى «اتامەكەن» ق ر ۇكپ باسقارما ءتوراعاسىنىڭ مىندەتىن اتقارۋشى رايىمبەك باتالوۆ باسپا ءسوز كونفەرەنسياسىندا ايتتى، دەپ حابارلايدى Almaty-akshamy.kz Baq.kz سىلتەمە جاساپ.
«قازىرگى ەكونوميكالىق جاعدايدا ەلدەگى بارلىق ينستيتۋتقا بىرىگىپ، مەملەكەت باسشىسى تاپسىرعان مىندەتتەردى بىرلەسىپ ورىنداۋعا كۇش سالۋ ماڭىزدى. ءبىز بۇكىل بيزنەستى بىرىكتىرگەن ۇلتتىق كاسىپكەرلەر پالاتاسى رەتىندە كاسىپكەرلەر مەن نارىق قاتىسۋشىلارىنا ۇكىمەت جانە اكىمدىكتەرمەن بارلىق اۋداندىق جانە وڭىرلىك پالاتالار مەن الاڭدار ارقىلى وسى پروسەسكە بەلسەندى قاتىسۋعا شاقىرامىز»، - دەدى ول.
سونداي-اق ول اگرووندىرىستىك كەشەندەگى جۇمىستار تۋرالى ايتتى.
«ءبىز اوك جانە ساۋدا كوميتەتتەرىمەن تالقىلاۋدى باستادىق. وندا نارىقتىڭ بارلىق نەگىزگى قاتىسۋشىسى بار. مىسالى، قانت بويىنشا بىزدە سالالىق ساراپتاما جانە ەلدەگى قانت ءوندىرىسىن دامىتۋدىڭ ۇسىنىستار كەشەنى بار. بۇل ازىرلەمەلەردى سالالىق باعدارلاماسىنا ەنگىزۋ ءۇشىن بۇرىن اشم-عا جىبەرگەنبىز»، - دەدى ول.