– بيىلعى وقۋ جىلى ءداستۇرلى فورماتتا باستالعالى جاتىر. كۇز ايىنان باستاپ قالامىزعا شەت ايماقتان ستۋدەنتتەر اعىلاتىنى ايتپاسا دا بەلگىلى. ستۋدەنتتەر كەلگەننەن كەيىن قالادا ۆيرۋستىڭ جاڭا تولقىنى پايدا بولمايتىنىنا كەپىلدىك جوق. جاستار بايلانىس پەن قارىم-قاتىناستى قاجەت ەتەدى. بۇل – ستۋدەنتتىك ءومىردىڭ ءمانى. سوندىقتان وقۋدى تولىق اياقتاۋ ءۇشىن ءبىز بارلىق ستۋدەنتتى ۆاكسينا الۋعا شاقىرامىز.
بارلىق جوعارى وقۋ ورنىندا ۆاكسينالاۋ ورتالىقتارى اشىلدى. وندا ستۋدەنتتەرگە ەكپە ەگىلەتىن بولادى. سوندا عانا وقۋ ورىندارى ءقاۋىپسىز ايماققا اينالاتىنى ءسوزسىز. سونداي-اق، انتيۆاكسەرلەر قايعىلى وقيعالار بولعان وتباسىلارعا قاراپ، ولاردىڭ قازىرگى جاي-كۇيىن جەتە سەزىنسە ەكەن. سونىمەن قاتار، بارشامىزعا ەكپە الۋدان باسقا ءتيىمدى جولدىڭ جوق ەكەنىن مويىندايتىن ۋاقىت جەتتى.