قىزىقتى دا تارتىمدى كورمە

ق ر جاس سۋرەتشىلەر وداعىنىڭ «مىڭ بوياۋلى قالا» كورمەسى

بيىلعى قىركۇيەك ايىندا الماتى قالاسى كۇنىنە وراي جاس سۋرەتشىلەردىڭ «مىڭ بوياۋلى قالا» اتتى پلەنەر-بايقاۋ وتكىزىلگەن بولاتىن. وسى بايقاۋعا قاتىسقان قىلقالام شەبەرلەرىنىڭ كورمەسىنىڭ اشىلۋى 2022 جىلعى 1 جەلتوقساندا الماتى قالاسى تاريحى مۋزەيىندە وتەدى، دەپ حابارلايدى اlmaty-akshamy.kz7

اتالمىش جوبانى جاس سۋرەتشىلەر وداعىمەن بىرلەسە وتىرىپ، الماتى قالاسى مادەنيەت باسقارماسىنىڭ قولداۋىمەن الماتى قالاسى مۋزەيلەر بىرلەستىگى جۇزەگە اسىرعان بولاتىن. جاس سۋرەتشىلەردى قولداۋ جانە ەلىمىزدەگى بەينەلەۋ ونەرىن دامىتۋ ماقساتىندا ۇيىمداستىرىلعان پلەنەر-بايقاۋعا 35 جاسقا دەيىنگى 60 كاسىبي سۋرەتشى قاتىستى.

كورمەگە بايقاۋدا وزا شاپقان 30 جۇمىس كورەرمەن نازارىنا ۇسىنىلادى. ءارتۇرلى جانر مەن تەحنيكادا جازىلعان جۇمىستار – ءبىر پلەنەر اياسىندا مايلى بوياۋمەن ارلەنگەن ونەر تۋىندىلارى، الماتىنىڭ مىڭ بوياۋلى قۇراما پورترەتى.

پەيزاج بەن ابستراكسيا، رەاليزمنىڭ قاتال زاڭدىلىقتارىنا باعىنا وتىرىپ جاسالعان جۇمىستار سۋرەتشىنىڭ جەكە قولتاڭباسىن قولدانۋعا كەدەرگى كەلتىرمەيدى.

جاس سۋرەتشىلەر شىعارماشىلىعى – ءوز ءستيلىن، ونەردەگى ءوز ورنەگىن ىزدەۋدىڭ ايقىن كورىنىسى.

كورمە  جەلتوقسانعا دەيىن جالعاسادى.

وتەتىن ورنى مەن ۋاقىتى: الماتى ق.، قابانباي باتىر ك.، 132

كورمەگە اسىعىڭىز، اعايىن!