قازاقستاندا قىزىلشا بويىنشا قولايسىز ەپيدەميولوگيالىق جاعداي قالىپتاستى. جىل باسىنان بەرى قىزىلشانىڭ 12 671 جاعدايى تىركەلدى، ونىڭ ىشىندە 10 563 ناۋقاس - 14 جاسقا دەيىنگى بالالار، جاسوسپىرىمدەر – 354، ەرەسەكتەر – 1 754، دەپ حابارلايدى almaty-akshamy.kz Kazinform-گە سىلتەمە جاساپ.
70% نەمەسە 8 866 جاعداي — ۆاكسينا الماعان بالالار.
ونىڭ ىشىندە ۆاكسيناسيادان باس تارتۋ سەبەبىنەن — 5 286، مەديسينالىق قارسى كورسەتىلىم — 1 555، ەگۋ جاسىنا جەتپەۋ — 1 930، وزگە سەبەپتەر — 93.
تاعى 16% نەمەسە 2 062 جاعداي — بەلگىسىز ۆاكسيناسيا مارتەبەسى بار ادامدار.
قىزىلشا ەلدىڭ بارلىق وڭىرىندە كوپتەپ تىركەلىپ جاتىر.
قىزىلشامەن سىرقاتتانۋ بويىنشا ەپيدەميولوگيالىق جاعدايدى تۇراقتاندىرۋ ءۇشىن شۇعىل دەن قويۋ شارالارى قابىلدانادى.
وسىلايشا 1 قاراشادا باس مەملەكەتتىك سانيتار قىزىلشاعا قارسى ەكپە ناۋقانىن باستاۋ جونىندە ارنايى قاۋلى شىعاردى.
كورسەتىلگەن قاۋلىعا سايكەس 6 قاراشادان باستاپ قىزىلشاعا، قىزامىققا جانە پاروتيتكە (قكپ) قارسى 6-11 ايلىق بالالارعا، جەلتوقساننان باستاپ — قىزىلشانىڭ ەگۋ مارتەبەسىنە قاراماستان 2-4 جاسار بالالارعا قوسىمشا جاپپاي يممۋنداۋ جاسالادى.