قىزىلشا اۋرۋى اسقىنىپ تۇر

قىزىلشا باسەڭدەمەي تۇر.

دەنساۋلىق ساقتاۋ مينيسترلىگى ەلدە قىزىلشاعا كۇدىكتى 199 جاعداي تىركەلگەنىن مالىمدەدى، دەپ حابارلايدى Almaty-akshamy.kz 24.kz-كە سىلتەمە جاساپ

ونىڭ 124 جاعدايى راستالدى. باسىم بولىگى الماتى قالاسىندا 78 جاعداي، تۇركىستان وبلىسىندا-15، استانادا 7 جاعداي. ناۋقاستاردىڭ 90%ء-ى 14 جاسقا دەيىنگى بالالار. مامانداردىڭ سوزىنشە، ۆيرۋسقا شالدىققاندار بۇعان دەيىن قىزىلشاعا قارسى ەكپە الماعان.

«جىل باسىنان قىزىلشا بويىنشا ەپيدەميولوگيالىق جاعدايدىڭ ناشارلاعانىن بايقايمىز. بۇل جاعداي تەك قازاقستاندا عانا ەمەس، الەمنىڭ كوپتەگەن ەلدەرىندە دە تاراعان. ول COVID پاندەمياسى كەزىندە، ايتالىق، ءبىرقاتار سەبەپتەرگە بايلانىستى بالالاردى ۆاكسيناسيامەن قامتىماعاندىقتان پايدا بولدى»، - دەدى ق ر دەنساۋلىق ساقتاۋ ۆيسە-مينيسترى ايجان ەسماعانبەتوۆا.

«ەڭ ماڭىزدى سەبەپتەردىڭ ءبىرى - ۆاكسيناسيادان باس تارتۋ. كورعا قارسى ۆاكسينا ول ءتىرى ۆاكسينا بولىپ تابىلادى جانە ول ۆاكسينانى ەنگىزگەن كەزدە ادامدا تۇراقتى يممۋنيتەت قالىپتاسادى. ەگەر ءبىزدىڭ حالىق ، ەرەسەك ادامدار وسى ۆاكسيناسياعا دۇرىس قارامايتىن بولسا ، باس تارتاتىن بولسا، وسىنداي جاعدايعا الىپ كەلەدى»، - دەدى №1 كوپبەيىندى قالالىق بالالار اۋرۋحاناسى ديرەكتورىنىڭ ورىنباسارى دينات قوجەكەنوۆ.