قىزىلوردادا الاياق ايەل ۇستالدى

كۇدىكتى قاماۋعا الىندى.

قىزىلوردا وبلىسىندا ينتەرنەت ارقىلى جالعان جارناما جاساپ، جوق كولىكتەردى ساتقان 27 جاستاعى ازاماتشا قولعا ءتۇستى، دەپ حابارلايدى Almaty-akshamy.kz وبلىستىق  پد باسپا ءسوز قىزمەتىنە سىلتەمە جاساپ.

قىزىلوردا وبلىسى اۋماعىندا «Hi-tech» جەدەل پروفيلاكتيكالىق ءىس-شاراسى ءوتتى. جوعارى تەحنولوگيالار سالاسىنداعى قىلمىستاردى اشۋدىڭ الدىن الۋعا باعىتتالعان شارا بارىسىندا پوليسەيلەر الاياقتىق جاساعان قالا تۇرعىنىن ۇستادى.

«بۇرىن دا سوتتى بولعان 27 جاستاعى ازاماتشا ينتەرنەت جەلىسىندەگى اۆتوكولىك ساتاتىن جارناما سايتىنا جالعان حابارلاندىرۋ جاريالاعان. كولىكتى ساتىپ الۋعا قىزىعۋشىلىق تانىتقان تۇرعىنداردان جارنامانى الىپ تاستاۋ ءۇشىن الدىن الا قاراجات جىبەرۋىن سۇراعان. وسىلايشا وڭاي ولجانى كوزدەگەن ايەل جوق كولىكتەردى ساتقان. ءقازىر كۇدىكتى ازاماتشانىڭ باسقا دا قىلمىستارعا قاتىستىلىعى تەكسەرىلۋدە»، - دەپ مالىمدەدى قىزىلوردا وبلىستىق پوليسيا دەپارتامەنتى.

ۆەدومستۆو مالىمەتىنشە، اتالعان دەرەك بويىنشا ق ر قىلمىستىق كودەكسىنىڭ 190-بابىنىڭ 2-بولىگىمەن (الاياقتىق) سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە. كۇدىكتى ازاماتشا قاماۋعا الىنعان.