قىزىلوردا وبلىسى بويىنشا 5 اۋىلدىق وكرۋگتە اكىم سايلاۋى ءوتتى. ولاردىڭ قاتارىندا ارال اۋدانىنىڭ اتانشي، قازالى اۋدانىنىڭ باسىقارا، سىرداريا اۋدانىنىڭ ايدارلى، شيەلى اۋدانىنىڭ كەردەلى، قىزىلوردا قالاسىنىڭ قىزىلجارما اۋىلدارى بار.
اتالعان ەلدىمەكەندەردە ساعات 7.00-دەن №3، 82، 171، 298، 172، 254، 370 سايلاۋ ۋچاسكەسى اشىلدى. اكىم قىزمەتىنە نيەتتى ازاماتتاردىڭ باسىم بولىگى ساياسي ناۋقانعا ءوزىن-وزى ۇسىنۋ تارتىبىمەن تۇسكەن.
اۋىلدىق وكرۋگتە 246 سايلاۋشى تىركەلسە، باسىقارادا 706، ايدارلىدا 827، كەردەلىدە 1687 سايلاۋشى بار. ال، قىزىلجارما اۋىلدىق وكرۋگىندە 6297 سايلاۋشى تىركەلگەن.
جالپى العاندا، 5 اۋىلدىڭ اكىمى بولۋعا نيەتتى بارلىعى 13 كانديدات سايلاۋعا ءتۇستى. ولاردىڭ 10-ى ءوزىن-وزى ۇسىنۋ جولىمەن سايلاۋعا تۇسسە، 3 كانديدات پارتيا اتىنان ۇسىنىلعان.