تاعى 187 ادامنىڭ جازا مەرزىمى قىسقارتىلدى
قىزىلوردا وبلىسىندا سوتتى بولعان 366 ادامعا راقىمشىلىق زاڭى قولدانىلدى، دەپ حابارلايدى Almaty-akshamy.kz قىزىلوردا وبلىستىق پروكۋراتۋراسىنا سىلتەمە جاساپ.
بۇل شەشىم 2021 جىلدىڭ 7 جەلتوقسانىندا مەملەكەت باسشىسى قول قويعان «قازاقستان رەسپۋبليكاسى تاۋەلسىزدىگىنىڭ وتىز جىلدىعىنا بايلانىستى راقىمشىلىق جاساۋ تۋرالى» زاڭىنا سايكەس قابىلداندى.
«اتالعان زاڭعا سايكەس، سوتتالعانداردىڭ جەكە ىستەرى زەردەلەندى. ناتيجەسىندە سوتتى بولعان 366 ادامعا قاتىستى راقىمشىلىق قولدانىلدى. ولاردىڭ اراسىندا تۇزەۋ مەكەمەلەرىندە جازاسىن وتەپ جاتقان 81 ادامنىڭ 46-ى نەگىزگى جازادان بوساتىلىپ بوستاندىققا شىقسا، 35 سوتتالعاننىڭ جازا مەرزىمدەرى قىسقارتىلدى»، - دەلىنگەن حابارلامادا.
ۆەدومستۆونىڭ مالىمەتىنشە، وعان قوسا پروباسيا قىزمەتىنىڭ ەسەبىندە تۇرعان 285 ادامنىڭ 98ء-ى نەگىزگى جازادان بوساتىلىپ، ەسەپتەن الىندى. ال 187ء-نىڭ جازا مەرزىمى قىسقارتىلدى.
ەسكە سالساق، بۇدان بۇرىن قىزىلوردادا 14 ادامدى سان سوقتىرعان الاياققا سوت ۇكىمى شىقتى.