افريكادا 70-كە جۋىق ادام كوز جۇمدى
مامىر ايىنان بەرى الەمنىڭ 27 ەلىندە تىركەلگەن مايمىل شەشەگىن 780-نەن استام ادام جۇقتىرعان، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
دۇنيەجۇزىلىك دەنساۋلىق ساقتاۋ ۇيىمىنىڭ ايتۋىنشا، ينفەكسيانىڭ تارالۋىنا قاتىستى ەپيدەميولوگيالىق تەرگەۋ جالعاسىپ جاتىر. ماماندار مايمىل شەشەگىن بىردەن انىقتاۋ قيىنعا تۇسەدى دەيدى.
ايتا كەتەيىك، مايمىل شەشەگى ورتالىق جانە باتىس افريكا ەلدەرىندە سيرەك كەزدەسەتىن ۆيرۋستى اۋرۋ بولىپ سانالادى. وندا دەرت ادەتتە مايمىلدار مەن كەمىرگىش جانۋارلار ارقىلى جۇعاتىن. ال جىل باسىنان بەرى افريكانىڭ 5 ەلىندە اتالعان اۋرۋدان 70-كە جۋىق ادام كوز جۇمدى. ۆيرۋس، اسىرەسە، نيگەريا، كونگو، ليبەريا مەن سەررا-لەونەدە ءجيى تىركەلگەن. ەندى ناۋقاستاردىڭ باسىم بولىگى ۇلىبريتانيا، يسپانيا، پورتۋگاليا، كانادا مەن گەرمانيادا دا انىقتالىپ جاتىر.