قىزدى الىپ قاشقان جىگىتتەر اۋىر جازاعا تارتىلاتىنىن تۇسىنە بەرمەيدى.

قالىڭدىقتى ۇرلاۋ بويىنشا سوتقا دەيىنگى تەرگەپ-تەكسەرۋ باستالدى

نەكە الداۋ مەن زورلىق-زومبىلىقتان باستالماۋى كەرەك – شىمكەنت قالاسىنىڭ پروكۋراتۋراسى ايەلدەر قۇقىعىن قورعاۋدا ناقتى ۇستانىمداردى قولدايدى.

قالىڭدىقتى نەكەگە تۇرۋ ءۇشىن ۇرلاۋ بۇل وتكەننىڭ جادىگەرى.قىزدى الىپ قاشقان جىگىتتەر اۋىر جازاعا تارتىلاتىنىن تۇسىنە بەرمەيدى.

قازىرگى ۋاقىتتا قىزدى ۇرلاۋ تاجىريبەسى جويىلۋدا، ونىڭ ۇستىنە بۇل ادام قۇقىقتارى مەن قادىر-قاسيەتىنە نۇقسان كەلتىرەدى.

قوعامدا مۇنداي ارەكەتتەر ايەلدى قورلاۋ، زورلىق-زومبىلىق كورسەتۋ بولىپ تابىلادى.

اعىمداعى جىلدىڭ 16 قاڭتارىندا شىمكەنت قالاسى پوليسياسىنىڭ كەزەكشى بولىمىنە ازاماتشا م.ا. قىزىن ۇيلەنۋ ماقساتىندا بەلگىسىز ەر ازاماتتىڭ ۇرلاپ كەتكەنى تۋرالى كورسەتكەن.

اتالعان فاكتى بويىنشا قازاقستان رەسپۋبليكاسىنىڭ قىلمىستىق كودەكسنىڭ 125-بابى 2-بولىگىنىڭ 1) تارماعىنىڭ نەگىزىندە (ادامدى ۇرلاۋ) سوتقا دەيىنگى تەرگەپ-تەكسەرۋ باستالىپ، ناتيجەسىندە ماڭعىستاۋ وبلىسىنىڭ «گ» ەسىمدى تۇرعىنى ۇستالىپ، ەكى ايعا قاماۋعا الىندى.

تەرگەپ-تەكسەرۋ بارىسىندا بارلىق ءمان-جايلار انىقتالاتىن بولادى.

مۇنداي قىلمىستى جاساعانى ءۇشىن كىنالىلەردىڭ مۇلكى تاركىلەنىپ، ولارعا قاتىستى جەتi جىلدان ون ەكi جىلعا دەيiنگi مەرزiمگە باس بوستاندىعىنان ايىرۋ جازاسى قولدانىلۋى مۇمكىن.

قازاقستان رەسپۋبليكاسى قىلمىستىق پروسەستىك كودەكسىنىڭ 201-بابىنىڭ تالاپتارىنا سايكەس باسقا اقپارات جاريا ەتۋگە جاتپايدى.

ءىس قالا پروكۋراتۋراسىنىڭ ەرەكشە باقىلاۋىندا.