جىل سايىن وسىعان قاتىستى 20-عا جۋىق قىلمىستىق ءىس قوزعالادى.
2019 جىلدان بەرى 214 قىلمىستىق ءىس قوزعالىپ، ونىڭ 94،3%ء-ى قىلمىس قۇرامىنىڭ بولماۋىنا بايلانىستى توقتاتىلعان، دەپ حابارلايدى Almaty-akshamy.kz
قازاقستان باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتىنشە، وتكەن جىلى ەلدە وسىنداي 18 قىلمىستىق ءىس تىركەلگەن. ولاردىڭ ۇشتەن ەكىسى نەمەسە 12 ءىس وڭتۇستىك وڭىرلەردە، ونىڭ التاۋى الماتىدا بولعان. ال ەكى جاعداي ەلدىڭ شىعىسىندا، باتىسىندا جانە ورتالىعىندا تىركەلدى.
ءبىراق قىزدى كۇيەۋ جىگىتتىڭ ۇيىندە ماجبۇرلەپ ۇستاپ، باس بوستاندىعىنان ايىرۋ فاكتىسى ايتارلىقتاي تومەندەگەن: 2018 جىلدان بەرى 71-دەن 13 وقيعاعا دەيىن ازايدى.
قىزدى نەكەگە تۇرۋ ماقساتىندا ۇرلاۋعا قاتىستى ناقتى ستاتيستيكا جوق، ويتكەنى بۇل ارەكەتتەر جاسىرىن قالادى.
2019 جىلدان بەرى قازاقستاندا قىز ۇرلاعانى ءۇشىن 214 قىلمىستىق ءىس قوزعالعان. ونىڭ 94،3%ء-ى قىلمىس قۇرامىنىڭ بولماۋىنا بايلانىستى توقتاتىلدى. سوتتارعا تەك 10 ءىس جىبەرىلدى. 27 ادام جاۋاپقا تارتىلدى.
ادام قۇقىقتارى جونىندەگى ۋاكىل ارتۋر لاستايەۆ قازاقستان قىلمىستىق كودەكسىنە ايەلدەردى ماجبۇرلەپ نەكەگە تۇرۋ ماقساتىندا ۇرلاعانى ءۇشىن جەكە باپ ەنگىزۋ قاجەت دەپ سانايدى. ونىڭ پىكىرىنشە، بۇل ەسكەرتۋ قىلمىس دەڭگەيىن تومەندەتۋگە ءتيىس. باس پروكۋراتۋرا باستامانى قولدادى. ءبىراق ازىرگە زاڭدارعا تۇزەتۋ قابىلدانعان جوق.