جۇڭگو–قىرعىزستان–وزبەكستان تەمىرجول قۇرىلىسىنىڭ ىقتيمال باعىتى جاقىندا قىرعىزستان رەسپۋبليكاسى مينيسترلەر كابينەتىنىڭ جينالىسىندا تالقىلاندى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
كەڭەستە قىرعىزستاننىڭ كولىك جانە كوممۋنيكاسيا ءمينيسترى ەركىنبەك وسويەۆ «تورۋگارت – ماكمال - جالال-اباد» باعىتى بويىنشا تەمىرجول ماگيسترالىن سالۋ ماسەلەلەرى بويىنشا اقپارات ۇسىندى.
ونىڭ ايتۋىنشا، جوبانىڭ ءتيىستى تەحنيكالىق-ەكونوميكالىق نەگىزدەمەسى وسى جىلدىڭ جەلتوقسان ايىندا دايىن بولادى.
«جۇڭگو – قىرعىزستان - وزبەكستان تەمىرجول قۇرىلىسىنىڭ جوباسى — ءبىز ەرەكشە باسىمدىق بەرەتىن بىرەگەي جوبا. بەيىندى مەملەكەتتىك ورگاندار بەلگىلەنگەن مەرزىمدە قاجەتتى دايىندىق جۇمىستارىن جۇرگىزۋى قاجەت»، - دەپ اتاپ ءوتتى مينيسترلەر كابينەتىنىڭ باسشىسى اقىلبەك جاپاروۆ.
«قىتاي-قىرعىزستان-وزبەكستان» تەمىرجولى - ءۇش ەلدىڭ، ودان ءارى پارسى شىعاناعى ەلدەرىنىڭ، ەۋروپالىق تەمىرجول جەلىسىمەن بايلانىستى تۇركيا رەسپۋبليكاسىنىڭ تەمىر جولدارىنا جول اشۋعا ارنالعان تەمىرجول ماگيسترالى.