2023 جىلعى 7 قىركۇيەكتە قىتايلىق «Loong Airlines» اۋەكومپانياسى حانچجوۋ – الماتى باعىتى بويىنشا العاشقى جولاۋشىلار رەيسىن ورىندادى، - دەپ حابارلايدى Almaty-akshamy.kz ازاماتتى اۆياسيا كوميتەتى باسپا ءسوز قىزمەتىنە سىلتەمە جاساپ.
ق ر كولىك مينيسترلىگىنىڭ ازاماتتىق اۆياسيا كوميتەتى تۇراقتى نەگىزدە ۇشۋ گەوگرافياسىن كەڭەيتۋ، حالىقارالىق رەيستەر سانىن ۇلعايتۋ جانە جاڭا شەتەلدىك اۆياكومپانيالاردى تارتۋ بويىنشا جۇمىس جۇرگىزىپ جاتىر.
وسىلايشا، قازاقستان رەسپۋبليكاسى مەن جۇڭگو حالىق رەسپۋبليكاسى اۆياسيالىق بيلىكتەرىنىڭ بىرلەسكەن جۇمىسىنىڭ ارقاسىندا 2023 جىلعى 7 قىركۇيەكتە قىتايلىق «Loong Airlines» اۋەكومپانياسى حانچجوۋ - الماتى باعىتى بويىنشا العاشقى جولاۋشىلار رەيسىن ورىندادى. رەيستەر «ا321» ۇلگىسىندەگى اۋە كەمەلەرىندە اپتاسىنا 3 رەت (سەيسەنبى، بەيسەنبى جانە سەنبى كۇندەرى) جيىلىكپەن ورىندالاتىن بولادى.
جاڭا اۋە تاسىمالداۋشىنىڭ قازاقستان رەسپۋبليكاسىنىڭ اۋە تاسىمالى نارىعىنا كىرۋى، سونداي-اق جاڭا اۋە باعىتتىڭ اشىلۋى ەلدەر اراسىنداعى ساۋدا-ەكونوميكالىق، تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتەتىن بولادى.
حانچجوۋ قالاسى-چجەسزيان پروۆينسياسىنىڭ استاناسى. قالا حالقى 10 ميلليون ادام. 2023 جىلدىڭ 23 قىركۇيەگى مەن 8 قازانى ارالىعىندا قالادا 19-شى ازيا ويىندارىن وتكىزۋ جوسپارلانۋدا. حانچجوۋ قالاسىنىڭ اۋەجايى-قىتايداعى ەڭ كوپ جۇمىس ىستەيتىن 10 اۋەجايدىڭ ءبىرى. «Loong Airlines» - 2011 جىلدان باستاپ جولاۋشىلار مەن جۇك تاسىمالدايتىن قىتايلىق اۆياكومپانيا. اۆياكومپانيانىڭ فلوتى «ا321» (جولاۋشىلار) جانە «ب737» (جۇك) ءتيپتى 70 ۇشاقتان تۇرادى.
بۇگىنگى تاڭدا «Loong Airlines» 170-تەن استام قالادان 600 ىشكى جانە حالىقارالىق جولاۋشىلار جانە جۇك باعىتتارى بويىنشا تاسىمالداۋدى ورىندايدى.
اۋە كومپانيا حانچجوۋ قالاسىندا وتەتىن 19-شى ازيا ويىندارىنىڭ رەسمي سەرىكتەسى بولىپ تابىلادى.