قىتايلىق ميلليونەر-بلوگەرلەردىڭ قازاقستانعا ساپارى: تۋريزم جانە سپورت مينيسترلىگى تۋريستىك جاۋھارلاردى تانىستىردى، دەپ حابارلايدى almaty-akshamy.kz.
قىتايداعى قازاقستان ءتۋريزمى جىلى اياسىندا ەلىمىزگە الەۋمەتتىك جەلىدە ميلليونداعان اۋديتورياسى بار تانىمال قىتايلىق بلوگەرلەر كەلدى. Kazakh Tourism ۇلتتىق كومپانياسى 28 مامىر – 1 ماۋسىم ارالىعىندا Aq niet Group جانە وزگە دە سەرىكتەستەرمەن بىرگە قازاقستانعا ارنايى كەلگەن مەيماندارعا الماتى جانە استانا قالالارىندا، سونداي-اق ىلە-الاتاۋى، شارىن جانە بۋراباي ۇلتتىق پاركتەرىنە اقپاراتتىق تۋر ۇيىمداستىردى. 
شەتەلدىك قوناقتاردىڭ قاتارىندا Ni leichu، Qin Mingxi، ChenHuixian، Xu Jia، XueRui سەكىلدى اتاقتى بلوگەرلەر بار. ولاردىڭ جالپى اۋديتورياسى 20 ميلليونعا جۋىقتايدى.
ايتا كەتەيىك، بلوگەرلەر Aq niet Group، Esentai Mall، الماتى، استانا قالالارى مەن اقمولا وبلىسى اكىمدىكتەرىنىڭ قولداۋىمەن ەلورداداعى Sandyq قازاق تاعامدارى مەيرامحاناسىنىڭ اشىلۋ سالتاناتىنا قاتىستى.