قول جۇگىنىڭ قۇنى 500 ەۋرودان اسپاۋى كەرەك.
ەندى قىتايدان الىپ كەلە جاتقان تاۋارىڭىزدىڭ سالماعى 25 كەلىدەن اسىپ كەتسە، كەلىسىنە 4 ەۋرودان تولەۋ كەرەك بولادى، دەپ حابارلايدى Almaty-akshamy.kz
مۇنداي وزگەرىس ەۋرازيالىق وداققا مۇشە ەمەس مەملەكەتپەن ەكى ارادا ءجۇرىپ-تۇراتىن ازاماتتارعا قاتىستى قولدانىلادى. 2022 جىلدىڭ ساۋىرىندە ەۋرازيالىق ەكونوميكالىق كوميسسيا كەڭەسىنىڭ شەشىمىمەن بۇل تالاپ جۇمسارىپ، قۇنى 1000 ەۋروعا جەتپەيتىن تاۋاردى تەگىن الىپ وتۋگە رۇقسات بەرىلگەن ەدى. ياعني، جەكە قولدانىسقا ارنالعان زاتتى الىپ وتكەندە سالىق سالىنبايتىن.
1 ساۋىردەن باستاپ بۇل مەجە قايتادان بۇرىنعى دەڭگەيگە ءتۇسىرىلدى. سونىمەن قاتار پوشتا ارقىلى جىبەرىلەتىن زاتتىڭ قۇنى 200 ەۋرودان قىمبات بولماۋعا ءتيىس. زاتتىڭ سالماعى 31 كەلىدەن جەڭىل بولۋى قاجەت.