ولار اتاجۇرتقا كەلگەنىنە قۋانىشتى.
22 ءساۋىر كۇنى قازاقستانعا قىتايدىڭ شىنجاڭ ولكەسىندەگى 20 قازاق وتباسى كوشىپ كەلدى، دەپ حابارلادى Almaty-akshamy.kz Naizager.kz سىلتەمە جاساپ.
ولاردى الماتى اۋەجايىنان «وتانداس ەل» قوعامدىق بىرلەستىگىنىڭ جەتەكشىسى مۇقان مامىتحان باستاعان ازاماتتار قارسى الدى.
«2017-2018 جىلدارى قىتايدا تۇراتىن 100 ۇيگە كوشى-قون شاقىرتۋىن جىبەرگەنبىز. سونىڭ العاشقى لەگى كەلدى. جىلدىڭ اياعىنا دەيىن شاقىرتۋ العاندار تۇگەل كەلۋى ءتيىس»، - دەدى مۇقان مامىتحان.
اتامەكەنىنە ورالعانداردىڭ اراسىندا پايعامبار جاسىنا كەلگەن ورالتاي نۇردىناي قۇلجا قالاسىنان كەلىپتى.
«وتباسىمىزدا 7 ادام بار. جۇڭگو بيلىگى ءقازىر تەك وتباسىمەن تولىق كوشەتىندەرگە عانا رۇقسات بەرىپ وتىر. قۇلجادان ءۇرىمجى – شەنگ دۋ ارقىلى 4 كۇن ءجۇرىپ كەلدىك. اتاجۇرتقا كەلگەنىمىزگە قۋانىشتىمىز»، - دەدى ول.