18 ملن حالقى بار شاھاردا اۆتونومدى كولىكتىڭ قوزعالىسىنا رەسمي تۇردە رۇقسات بەرىلگەن، دەپ حابارلايدى اlmaty-akshamy.kz «حابار 24»-كە سىلتەمە جاساپ.
روبوتاكسي ءتۇرلى سەنسورلارمەن جابدىقتالعان. كولىك باسقاراتىن ورىن بوس بولعانمەن، قاسىنداعى ورىندىقتا جۇرگىزۋشى مىندەتتى تۇردە وتىرۋعا ءتيىس. بۇل - جولداعى قاۋىپسىزدىكتى ساقتاۋ ءۇشىن قاجەت شارا. ەرەجەگە سايكەس، جول اپاتى كەزىندە مۇنداي كولىك كىمنىڭ باسقارۋىندا بولسا، وندا سول ادام جاۋاپكەرشىلىككە تارتىلادى. ال روبوتاكسي رۋلدە ەشكىم بولماسا، وندا كولىك يەسى جاۋاپقا تارتىلۋى مۇمكىن. دەگەنمەن جوعارى تەحنولوگياعا جاۋاپتى كومپانيا ءۇشىن روبوتاكسي قىزمەتىنە رۇقسات بەرىلۋى ۇلكەن جەڭىس. وسىلايشا قالاداعى جوبا كوشەدەگى قوزعالىستىڭ قارقىنىن باعامداپ، جولداعى ءقاۋىپ جايلى كوبىرەك مالىمەت الا الادى. مۇنداي دەرەكتەر روبوتاكسي قىزمەتىن جەتىلدىرۋگە سەپ بولماق.
- مۇنداي تەحنولوگيانىڭ اۆتوكولىك وندىرىسىنە زور ىقپالى تيەتىنى ءسوزسىز. مىنە، ءقازىر روبوت كولىكتى سىناۋ اۋماعى كەڭەيدى. ياعني، روبوتاكسيدىڭ كومەگىمەن اۆتونومدى باسقارۋدى جيىرەك سىناي الامىز. ايتپاعىم، مالىمەت نەعۇرلىم كوپ بولسا، الگوريتمدى جەتىلدىرۋ سوعۇرلىم تەز بولماق، - دەيدى جوعارى تەحنولوگيالار كومپانياسىنىڭ اتقارۋشى ديرەكتورى ماكسۆەلل چجوۋ.