قىتايدا جاساندى ينتەللەكت نەگىزىندە جۇمىس ىستەيتىن Hangxing No 1 اتتى روبوت-پوليسەي قىزمەتكە كىرىستى، - دەپ حابارلايدى اqshamnews.kz ءتىلشىسى.
جاڭا تەحنولوگيالى "قىزمەتكەر" قولىن كوتەرىپ، جولداعى قوزعالىستى رەتتەيدى، جاياۋ جۇرگىنشىلەرگە وتۋگە رۇقسات بەرىپ، كولىك جۇرگىزۋشىلەرىنىڭ ءتارتىبىن باقىلايدى. Hangxing No 1 دۋلىعا تاقپاي جۇرگەن ۆەلوسيپەد مىنۋشىلەرگە، رۇقسات ەتىلمەگەن جەردەن وتكەن جاياۋ جۇرگىنشىلەرگە، سونداي-اق بەلگىلەنبەگەن جەرگە كولىك قويعان جۇرگىزۋشىلەرگە سىپايى دىبىستىق ەسكەرتۋ جاسايدى.
باعدارشاممەن بىردەي جۇمىس ىستەيتىن روبوت جول قوزعالىسى ەرەجەلەرىن بۇلجىتپاي ورىندايدى. قازىرگى ۋاقىتتا ول قوزعالىستى باسقارۋ جانە قوعامدىق ءتارتىپتى قاداعالاۋ مىندەتىن اتقارىپ ءجۇر. الداعى كەزەڭدە ونىڭ فۋنكسيالارىن كەڭەيتىپ، جولاۋشىلارعا قىزمەت كورسەتۋدىڭ باسقا دا تۇرلەرىن ۇيرەتۋ جوسپاردا بار ەكەن.
حانچجوۋ قالاسىندا وسىعان ۇقساس جول قوزعالىسىن رەتتەيتىن روبوتتار ازىرلەنىپ، بولاشاقتا تولىققاندى روبوت-پوليسەيلەر پاركىن قۇرۋ مۇمكىندىگى قاراستىرىلىپ جاتىر.