زارداپ شەككەن ادامدار ءۇشىن 700-دەن استام شاتىر تىگىلگەن
قىتايدىڭ سىچۋان پروۆينسياسىندا قۋاتى 6،1 بالدىق ءزىلزالادان 4 ادام قازا تاپتى. 40-تان استامى جارالانعان. اسىرەسە ياان قالاسى قاتتى زارداپ شەگىپ، بىرنەشە ءۇي قيراپ قالدى. ءدۇمپۋدىڭ ەپيسەنترى 17 شاقىرىم تەرەڭدىكتە انىقتالدى، دەپ حابارلايدى Almaty-akshamy.kz.
توتەنشە جاعدايلار، ءورت ءسوندىرۋ، مەديسينا، بايلانىس جانە باسقا دا قىزمەتتەر اپاتتىڭ زاردابىن جويۋعا شۇعىل اتتانعان، دەپ جازادى qazaqstan.tv.
«CCTV» تەلەكومپانياسىنىڭ حابارلاۋىنشا، ولار تۇرعىنداردى ءقاۋىپسىز جەرگە كوشىرىپ، جول جوندەۋگە، ەلەكتر جانە بايلانىس جەلىلەرىن رەتكە كەلتىرۋگە كومەكتەسىپ جاتىر. زارداپ شەككەن ادامدار ءۇشىن 700-دەن استام شاتىر تىگىلگەن.
قىتايدا سوڭعى رەت 2008 جىلى الاپات جەر سىلكىنىسى بولعان ەدى. سول كەزدە سىچۋاندا ماگنيتۋداسى 7،9 بالدىق جەر ءدۇمپۋى 90 مىڭعا جۋىق ادامنىڭ ءومىرىن قيعان.