قىتايدا ءوتۋى ءتيىس سپورتتىق قۇزعا ورمەلەۋدەن الەم كۋبوگىنىڭ كەزەڭدەرى كەيىنگە شەگەرىلدى.
حالىقارالىق سپورتتىق قۇزعا ورمەلەۋ فەدەراسياسى (IFSC) الەم كۋبوگىنىڭ قازان ايىندا قىتايدا ءوتۋى ءتيىس 2 كەزەڭى COVID-19 پاندەمياسىنا بايلانىستى كەيىنگە قالدىرىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
قازاقستان ۇلتتىق وليمپيادا كوميتەتىنىڭ مالىمەتىنشە، سيامىندە IFSC الەم كۋبوگى 15-17 قازان كۇندەرى ءوتۋى ءتيىس بولاتىن. ال ۆۋسزيانداعى بوۋلدەرينگ پەن جىلدامدىققا IFSC الەم كۋبوگى ناۋرىزدا 22-24 قازانعا اۋىستىرىلعان بولاتىن. بوۋلدەرينگتەن الەم كۋبوگىنىڭ قورىتىندى كەزەڭى 1-3 قازان كۇندەرى وڭتۇستىك كورەيا استاناسى سەۋل قالاسىندا وتەدى. بۇل كەزەڭ دە مامىردا ءوتۋى ءتيىس بولاتىن. الايدا پاندەمياعا بايلانىستى كەيىنگە شەگەرىلىپ وتىر. تاياۋدا IFSC سەۋل كەزەڭى جوسپارعا ساي وتەتىندىگىن ناقتىلاعان بولاتىن. سپورتتىق قۇزعا ورمەلەۋ العاش رەت توكيو-2020 وليمپياداسى باعدارلاماسىنا ەنگىزىلىپ، ەرلەر مەن ايەلدەر جارىس جولىنا شىققان بولاتىن.
سپورتتىق قۇزعا ورمەلەۋ العاش رەت توكيو-2020 وليمپياداسى باعدارلاماسىنا ەنگىزىلىپ، ەرلەر مەن ايەلدەر جارىس جولىنا شىققان بولاتىن.