كۇن استىندا جۇرمەۋ ەسكەرتىلدى
قىتايدا كۇننىڭ ىستىعىنا بايلانىستى قاۋىپتىلىكتىڭ «سارى» دەڭگەيى جاريالاندى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
سينحۋا اگەنتتىگى تاراتقان مالىمەتكە سايكەس، قىتايدىڭ ۇلتتىق مەتەورولوگيا ورتالىعى ەلدىڭ بىرنەشە ايماعىندا اپتاپ ىستىق ورىن العانىن ايتتى.
شەنسي، حەنان، حۋبەي، انحوي، سزيانسۋ، چجەسزيان، فۋسزيان، سزيانسي، حۋنان، گۋيچجوۋ، سىچۋان، گۋاندۋن، حەبەي، گۋانسي-چجۋان پروۆينسيالارىندا، سونداي-اق شانحاي، چۋنسين جانە تيانسزين قالالارىندا اۋا تەمپەراتۋراسى 35 گرادۋستان اسىپ كەتكەن.
بولجامعا سايكەس، چۋنسين قالاسىنىڭ كەيبىر اۋداندارىندا سىناپ باعاناسى 40 گرادۋستان اسۋى مۇمكىن. سوعان بايلانىستى ۇلتتىق مەتەورولوگيا ورتالىعى جەرگىلىكتى تۇرعىندارعا كۇن استىندا جۇرمەۋدى ەسكەرتىپ وتىر.
شىلدەنىڭ باسىندا قىتايدىڭ سولتۇستىك-باتىسى مەن ورتالىعىندا اپتاپ ىستىق ورىن الاتىندىعى تۋرالى حابارلانعان بولاتىن.