قىتايدىڭ ءبىرقاتار پروۆينسياسىندا كۇننىڭ قاتتى ىسۋىنا بايلانىستى ەلەكتر ەنەرگياسىنا سۇرانىس تاريحي ماكسيمۋمعا جەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
وسى اپتادا قىتايدىڭ سولتۇستىك جانە سولتۇستىك-باتىس ايماقتارىندا ەنەرگيا قۋاتىنىڭ ماكسيمالدى تۇتىنۋى تىركەلدى. ەلەكتر ەنەرگياسىنا دەگەن سۇرانىستىڭ جوعارى بولۋىنىڭ نەگىزگى سەبەپتەرىنىڭ ءبىرى رەتىندە كۇننىڭ نورمادان تىس ىستىق بولعاندىعى ايتىلدى. شاندۋن (شىعىس جۇڭگو) جانە حەنان (ورتالىق جۇڭگو) پروۆينسيالارىندا دا ەلەكتر ەنەرگياسىنا جوعارى سۇرانىس بايقالدى. وسى اپتادا قىتايدىڭ سولتۇستىگىندە اپتاپ ىستىق بولدى. ەلدىڭ بۇل ايماقتارىندا قولايسىز اۋا رايى جاعدايىنا ارەكەت ەتۋدىڭ قىزعىل-سارى دەڭگەيى جاريالاندى.
ايتا كەتسەك، وتكەن جىلدىڭ سوڭىندا قىتايدىڭ كوپتەگەن ايماقتارى ەلەكتر قۋاتىنىڭ تاپشىلىعىنا تاپ بولعان ەدى.