2027 جىلعا قاراي مۇنداي كولىكتەر قالالاردا ىسكە قوسىلماق.
قىتايدا GAC كومپانياسى GOVE دەپ اتالاتىن ۇشاتىن اۆتوكولىك جاساپ شىعارىپ، كوپشىلىككە كورسەتتى، دەپ حابارلايدى aqshamnews.kz
بۇل تۋرالى جازعان ixbt.com پورتالىنىڭ مالىمەتىنشە، GOVE – بۇل بولەك كونفيگۋراسيانى قولداناتىن تولىق ەلەكترلىك تىك ۇشۋ جانە قونۋ ۇشاعى (eVTOL). ال GOVE ءشاسسيى – بۇل eVTOL كابيناسىنىڭ اقىلدى ۇشۋ-قونۋ پلاتفورماسى ءارى ءموبيلدى زاريادتاۋ ستانسياسى. كابينا شاسسي بولىگىنەن ۇشقان سوڭ، شاسسي ەڭ جاقىن قۋاتتاۋ ستانسياسىن تاۋىپ بارا الادى. ال ۇشىپ كەتكەن كابينا قونۋعا دايىن بولعان كەزدە، جاقىن ماڭداعى شاسسيمەن بايلانىس ورناتادى. شاسسي ونىڭ ءدال قونۋىنا كومەكتەسىپ، كابينانى قايتا قۋاتتايدى.
GOVE كابيناسىندا 12 بۇراندالى 6 ءوستى كوپ روتورلى كونفيگۋراسيا بار. ال ءبىر ءوستى كوتەرۋ ماكسيمالدى ۇشۋ ماسساسىنىڭ ۇشتەن بىرىنەن اسادى. وعان وسى ۋاقىتقا دەيىن 400-دەن استام ۇشۋ تەكسەرۋلەرى جۇرگىزىلگەن.
2027 جىلعا قاراي GAC گۋاندۋن، گونكونگ، ماكاو ۇلكەن شىعاناعى ايماعىنداعى ەكى-ۇش قالادا ۇشاتىن كولىكتەردىڭ پيلوتتىق جۇمىسىن ىسكە قوسۋدى جوسپارلاپ وتىر.