پەكين كەز كەلگەن امالدى قولدانۋعا قۇقىلى ەكەنىن ايتتى.
جۇڭگو بيلىگى تايۆاندى ەلمەن بىرىكتىرۋ ءۇشىن اسكەري كۇش قولدانۋ مۇمكىندىگىن جوققا شىعارمايدى. بۇل تۋرالى سارسەنبىدە باسپا ءسوز ءماسليحاتىندا قحر مەملەكەتتىك كەڭەسى جانىنداعى تايۆان ىستەرى جونىندەگى كەڭسەنىڭ رەسمي وكىلى ما سياوگۋان مالىمدەدى، دەپ حابارلايدى Almaty-akshamy.kz Inbusiness.kz سىلتەمە جاساپ.
""ءبىز اسكەري كۇش قولدانبايمىز" دەپ ۋادە بەرە المايمىز. تايۆان قىتايدىڭ ءبىر بولىگى بولعاندىقتان، ءبىز كەز كەلگەن امالدى قولدانۋعا قۇقىلىمىز"، - دەدى ول.
دەگەنمەن بەيجىڭ ارالمەن بەيبىت تۇردە بىرىگۋگە بەل بۋىپ، "ءبىر ەل-ەكى جۇيە" قاعيداتىن ۇستاناتىن بولادى.
"قىتايدىڭ تايۆانعا قاتىستى پوزيسياسى وزگەرگەن جوق"، - دەپ قوستى ول.