جۇڭگو بيىلعى جىلى 60-تان استام رەت زىمىران ۇشىرادى.
جۇڭگو بەيسەنبىدە ۇشىرىلعان Shiyan-10−02 ەكسپەريمەنتتىك سپۋتنيگىن وربيتاعا ءساتتى شىعاردى. بۇل تۋرالى قىتايدىڭ اەروعارىشتىق عىلىم جانە تەحنولوگيالار كورپوراسياسى حابارلايدى، دەپ جازادى Almaty-akshamy.kz Inbusiness.kz سىلتەمە جاساپ.
جاريالانعان اقپاراتقا سايكەس، جەر سەرىگى بار CZ-3B ("چانچجەن-3-بە") زىمىرانىنىڭ ۇشىرىلۋى ەلدىڭ وڭتۇستىك-باتىسىنداعى سيچان عارىش ايلاعىنان بەيجىڭ ۋاقىتىمەن 12.43-تە (استانا ۋاقىتىمەن 10.43) جۇزەگە اسىرىلدى.
عارىش اپپاراتىنىڭ وربيتاعا شىعۋى وسى جىلى قحر ءۇشىن سوڭعى بولدى، بارلىعى كورپوراسيا ازىرلەگەن تاسىمالداۋشىلاردىڭ 54 ۇشىرىلىمى جۇزەگە اسىرىلدى. ولاردىڭ بارلىعى ءساتتى ءوتتى. جالپى، جۇڭگو بيىلعى جىلى 60-تان استام رەت زىمىران ۇشىرىپ، بىلتىرعى رەكوردىن جاڭارتتى.
Shiyan-10 جاڭا تەحنولوگيالاردى وربيتادا سىناۋ ءۇشىن پايدالانۋعا جوسپارلانعان.