قازاقستانعا قىتايلىق جەڭىل كولىكتەردىڭ يمپورتى وسۋدە. 2024 جىلدىڭ قاڭتار-اقپان ايلارىندا قىتايدان 10،1 مىڭ اۆتوكولىك اكەلىندى. بۇل 2023 جىلدىڭ سايكەس كەزەڭىندەگى كورسەتكىشتەن ەكى ەسە كوپ، ياعني 4،8 مىڭ بىرلىككە ءوستى. مۇنداي مالىمەتتەردى قازاقستان رەسپۋبليكاسى ستراتەگيالىق جوسپارلاۋ جانە رەفرمالار اگەنتتىگى ۇلتتىق ستاتيستيكا بيۋروسى كەلتىرىپ وتىر، دەپ حابارلايدى اlmaty-akshamy.kz.
ەكى اي ىشىندە يمپورتتالعان جەڭىل اۆتوكولىكتەردىڭ جالپى سانى 20 مىڭ بىرلىكتى قۇرادى.
وسىلايشا، ەلگە شەتەلدەن جەتكىزىلەتىن ءاربىر ەكىنشى كولىك قىتايدا شىعارىلادى.
ءۇش ءىرى جەتكىزۋشى كۇش بىرىكتىرگەننەن كەيىن دە قىتايمەن باسەكەگە تۇسە المادى. ولاردىڭ ۇلەسى 42% قۇرادى:
* اقش – 19% (3،7 مىڭ بىرلىك)؛
* جاپونيا – 15% (3 مىڭ بىرلىك)؛
* كورەيا – 8% (1،6 مىڭ بىرلىك).
ءبىر ايتا كەتەرلىگى، اقشالاي ەسەپتەگەندە قىتايدان اۆتوكولىك يمپورتىنىڭ ۇلعايۋى ساندىق كورسەتكىشتەگىدەي ۇلكەن ەمەس. قاڭتار-اقپان ايلارىندا 129،5 ملن دوللار جۇمسالدى، بۇل 43%-عا، ياعني 39 ملن. دوللارعا ارتىق. مۇنداي ديناميكا ونسىز دا قىمبات ەمەس قىتايلىق كولىكتەردىڭ قولجەتىمدىلىگىنىڭ ارتقانىن كورسەتۋى مۇمكىن.