جاڭا مينەرال ءتۇسسىز ءمولدىر باعانالى كريستالدان تۇرادى
جۇڭگو عالىمدارى جەرگە 2020 جىلى اكەلىنگەن ايداعى توپىراقتىڭ ۇلگىسىن زەرتتەۋ بارىسىندا جاڭا مينەرالدى تاپتى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
سينحۋا اگەنتتىگى تاراتقان دەرەكتەرگە سايكەس، ول ادامزاتتىڭ ايدى زەرتتەۋ تاريحىندا انىقتالعان التىنشى مينەرال بولىپ وتىر.
وسى جاڭالىقتىڭ ارقاسىندا جۇڭگو ايدان جاڭا مينەرال تاپقان الەمدەگى ءۇشىنشى مەملەكەتكە اينالدى. جاڭا مينەرال ءتۇسسىز ءمولدىر باعانالى كريستالدان تۇرادى جانە «چانە تاسى» دەگەن اتاۋدى يەلەندى.
"چانە تاسى» حالىقارالىق مينەرالوگيالىق قاۋىمداستىقتىڭ جاڭا مينەرال اتاۋى مەن جىكتەۋ بويىنشا كوميسسيانىڭ شەشىمىنە سايكەس جاڭا مينەرال رەتىندە رەسمي ماقۇلداندى"، - دەپ اتاپ ءوتتى زەرتتەۋشىلەر.
2020 جىلى قىتايلىق «چانە-5» زوندى جەرگە سالماعى 1731 گرامم شاماسىنداعى توپىراق ۇلگىسىن ايدان الىپ كەلگەن. ول ادامزات سوڭعى 40 جىلدان استام ۋاقىتتا بەرى اكەلگەن العاشقى توپىراق ۇلگىسى.