تەلەارنالار ادەپسىز ينتەرنەت جۇلدىزدارىن دارىپتەۋ جانە بايلىق پەن اتاق-داڭقتى ناسيحاتتاۋدان اۋلاق بولۋى قاجەت.
بەت الپەتى قىزعا ۇقسايتىن ەركەكتەر تەلەارنادان كورسەتىلمەۋى ءتيىس. جۇڭگو بيلىگى وسىنداي شەشىمگە كەلگەن، دەپ حابارلايدى Almaty-akshamy.kz Baq.kz-كە سىلتەمە جاساپ.
Associated Press اگەنتتىگىندە ايتىلعانداي، ەندى قىتايداعى تەلەارنالار ادەپسىز ينتەرنەت جۇلدىزدارىن دارىپتەۋ جانە بايلىق پەن اتاق-داڭقتى ناسيحاتتاۋدان اۋلاق بولۋى قاجەت. مۇنىڭ ورنىنا قىتايدىڭ ءداستۇرلى مادەنيەتى مەن ءسوسياليزمنىڭ وزىق مادەنيەتىن كورسەتۋگە باسىمدىق بەرىلەدى.
ايتا كەتەيىك، بىرەر كۇن بۇرىن عانا جۇڭگو ۇكىمەتى كامەلەت جاسقا تولماعان جەتكىنشەكتەرگە اپتاسىنا 3 ساعاتتان ارتىق ونلاين ويىن ويناۋعا بولمايتىنىن جاريا ەتىپ، تىيىم سالعان بولاتىن.
بيلىك وكىلدەرىنىڭ ايتۋىنشا، بۇل شارا تانىمال ادامدارعا تىم قاتتى ەلىكتەمەۋگە سەپتىگىن تيگىزەدى-مىس.