وليمپياداسىنا ليسەنزيا بەرەتىن جارىستار جالعاسىپ جاتىر.
كەلەسى جىلعا جوسپارلانعان ەڭ باستى باسەكەلەردىڭ ءبىرى – 19 قاڭتار مەن 1 اقپان ارالىعىندا وڭتۇستىك كورەيانىڭ كانۆوندو پروۆينسياسىنداعى كاننىن قالاسىندا وتەتىن IV قىسقى جاسوسپىرىمدەر وليمپياداسى. 2012 جىلدان بەرى ۇيىمداستىرىلىپ كەلە جاتقان جاسوسپىرىمدەردىڭ ءدۇبىرلى دوداسىنا ەلىمىزدىڭ سپورتشىلارى بيىل ءتورتىنشى مارتە قاتىسپاق.
قازىرگى تاڭدا قازاقستان جاسوسپىرىمدەر قۇراماسىنىڭ قورجىنىندا بياتلون، كونكيمەن جۇگىرۋ، شورت-ترەك، كەرلينگ، شايبالى حوككەي، شاڭعى جارىسى، شاڭعىمەن ترامپليننەن سەكىرۋ، شاڭعى قوسسايىسى، تاۋ شاڭعىسى، فريستايل پاراللەل موگۋل تۇرىنەن 30 جولداما بار. دەسە دە، جولداما سانى ءالى دە تولىعا ءتۇسۋى مۇمكىن. ويتكەنى جاسوسپىرىمدەر وليمپياداسىنا ليسەنزيا بەرەتىن جارىستار جالعاسىپ جاتىر.
ايتا كەتەيىك، IV قىسقى جاسوسپىرىمدەر وليمپياداسىنىڭ اشىلۋ سالتاناتى 2024 جىلدىڭ 19 قاڭتارىندا كاننىنداعى Gangneuung Oval سپورت كەشەنىندە وتسە، ويىنداردىڭ جابىلۋ سالتاناتى 2024 جىلدىڭ 1 اقپانىندا Gangneung Olympic Park سپورت كەشەنىندە ۇيىمداستىرىلادى دەپ جوسپارلانعان.