قوستاناي وبلىسىنىڭ باسىم بولىگىندە ءورت ءقاۋپى ساقتالادى
«قازگيدرومەت» رمك-سى قىركۇيەكتىڭ 5ء-ى كۇنگى كۇن رايى بولجامىن جاريالادى، دەپ حابارلايدى Almaty-akshamy.kz.
كاسىپورىننىڭ بولجامىنا قاراعاندا، بۇگىن اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باتىسىندا، سولتۇستىگىندە جانە وڭتۇستىك-شىعىس تاۋلى ايماقتارىندا نايزاعاي ويناپ، جاڭبىر جاۋادى.
قازاقستاننىڭ قالعان بولىگىندە كۇن جاۋىن-شاشىنسىز بولادى. رەسپۋبليكانىڭ باتىسى، سولتۇستىگى، وڭتۇستىگى مەن تاۋلى اۋداندارىندا جەل كۇشەيىپ، وڭتۇستىكتە شاڭدى داۋىل تۇرادى.
جامبىل، قىزىلوردا، تۇركىستان، اقتوبە، الماتى، جەتىسۋ وبلىستارىنىڭ باسىم بولىگىندە، باتىس قازاقستان، اباي، قوستاناي وبلىستارىنىڭ وڭتۇستىگىندە، قاراعاندى، ۇلىتاۋ وبلىستارىنىڭ وڭتۇستىك-شىعىسىندا توتەنشە ءورت ءقاۋپى ساقتالادى، ال اباي وبلىسىنىڭ شىعىسىندا توتەنشە ءورت ءقاۋپى كۇتىلەدى.
قوستاناي وبلىسىنىڭ باسىم بولىگىندە ءورت ءقاۋپى ساقتالادى.
كۇندىز جەتىسۋ، ۇلىتاۋ، قىزىلوردا وبلىستارىنىڭ باسىم بولىگىندە، قاراعاندى، قوستاناي وبلىستارىنىڭ وڭتۇستىگىندە، الماتى وبلىسىنىڭ سولتۇستىگىندە، وڭتۇستىگىندە، جامبىل وبلىسىنىڭ سولتۇستىگىندە، وڭتۇستىگىندە، باتىسىندا، اقتوبە وبلىسىنىڭ وڭتۇستىگىندە، شىعىسىندا قاتتى ىستىق ساقتالادى.