قىركۇيەكتە ۇقشۇ-عا مۇشە ەلدەردىڭ اۋماعىندا ەسىرتكىگە قارسى وپەراسيا جۇرگىزىلەدى.
بۇل تۋرالى ءىىم باسپا ءسوز قىزمەتىنىڭ وكىلى شۇعىلا تۇرلىبەك ايتتى، دەپ حابارلايدى Almaty-akshamy.kz.
«الماتى قالاسىندا ۇجىمدىق قاۋىپسىزدىك تۋرالى شارت ۇيىمىنىڭ قامقورلىعىمەن «كانال-پەرەحۆات» ەسىرتكىگە قارسى وپەراسياسىن وتكىزۋ جونىندەگى ۇيىمداستىرۋ كەڭەسى اياقتالدى. «كانال-پەرەحۆات» وپەراسياسى 2023 جىلعى قىركۇيەكتە ۇقشۇ-عا مۇشە مەملەكەتتەردىڭ اۋماعىندا ەسىرتكىنىڭ زاڭسىز اينالىمىنا قارسى ءىس-قيمىل جونىندەگى قۇزىرەتتى ورگانداردىڭ قاتىسۋىمەن جۇرگىزىلەدى. قاتىسۋشى ەلدەردىڭ قۇقىق قورعاۋ ورگاندارىنىڭ ءوزارا ارەكەتتەسۋى مەن ءىس-قيمىلىن ۇيلەستىرۋدى الماتى قالاسىنداعى ءواواوو – ورتالىق ازيا وڭىرلىك ەسىرتكى قۇرالدارىنىڭ، پسيحوتروپتىق زاتتار مەن ولاردىڭ پرەكۋرسورلارىنىڭ زاڭسىز اينالىمىنا قارسى كۇرەس جونىندەگى اقپاراتتىق ۇيلەستىرۋ ورتالىعىنىڭ الاڭىندا ورنالاسقان حالىقارالىق ۇيلەستىرۋ شتابى جۇزەگە اسىرادى»، - دەدى شۇعىلا تۇرلىبەك اپتالىق بريفينگ بارىسىندا.
ونىڭ اتاپ وتۋىنشە، باقىلاۋشىلار رەتىندە ءۇندىستان، يران، جۇڭگو، موڭعوليا، سيريا، تۇرىكمەنستان، وزبەكستان قۇقىق قورعاۋ ورگاندارىنىڭ وكىلدەرى، سونداي-اق ءبىرقاتار حالىقارالىق ۇيىمدار – قىلمىستىق كىرىستەردى زاڭداستىرۋعا جانە تەرروريزمدى قارجىلاندىرۋعا قارسى ءىس-قيمىل جونىندەگى ەۋرازيالىق توپ، بۇۇ-نىڭ ەسىرتكى جانە قىلمىس جونىندەگى وڭىرلىك باسقارماسى، شىۇ-نىڭ تەرروريزمگە قارسى وڭىرلىك قۇرىلىمى، تمد كەدەن قىزمەتتەرىنىڭ قۇقىق قورعاۋ بولىنىستەرى باسشىلارىنىڭ كوميتەتى قاتىسۋدى جوسپارلاپ وتىر.
«وپەراسيانىڭ نەگىزگى مىندەتى – جاڭا پسيحواكتيۆتى زاتتار اينالىمىنىڭ جولىن كەسۋ، ۇقشۇ-عا مۇشە مەملەكەتتەردىڭ اۋماعىندا اۋعانستان مەن يراننان اۋعان اپيىنىنىڭ كونتراباندالىق ارنالارىن جويۋ، ترانسۇلتتىق ەسىرتكى توپتارىنىڭ قىزمەتىنىڭ جولىن كەسۋ، زاڭسىز اينالىمنان قارۋ-جاراق، وق-دارىلەر مەن جارىلعىش زاتتاردى الۋ. كەزدەسۋدە سونداي-اق 2023 جىلى ۇقشۇ-عا مۇشە مەملەكەتتەردىڭ اۋماعىنداعى ەسىرتكى احۋالىنىڭ وزگەرۋىنىڭ سوڭعى ۇردىستەرى، ونىڭ وسى جىلدىڭ ەكىنشى جارتىجىلدىعىنداعى دامۋ بولجامدارى تالقىلاندى»، - دەدى ءىىم وكىلى.