ول سىبايلاس جەمقورلىققا قارسى ءىس-قيمىل اگەتتىگىنەن ءوزىنىڭ قاۋىپسىزدىگىنە كەپىلدىك بەرۋدى سۇرادى
قىرعىزستاندىق مۋزىكانت ۆيكرام رۋزاحۋنوۆ تەرگەۋ امالدارى ءۇشىن الماتىعا شاقىرىلدى. بۇل تۋرالى ول Instagram-داعى پاراقشاسىندا جازدى، دەپ حابارلايدى Almaty-akshamy.kz Inbusiness.kz-كە سىلتەمە جاساپ.
ۆيكرام رۋزاحۋنوۆ العاشىندا تەرگەۋگە كەلۋدەن باس تارتقانىن اتاپ ءوتتى. ول قازاقستاندا كەشكەن قورقىنىش پەن سوققى ءالى ەستەن كەتپەگەنىن جەتكىزدى.
«ادۆوكاتىم نۇربەك توكتاكۋنوۆ انتيكوررۋپسيالىق قىزمەت تەرگەۋشىلەرىنە وسىندا (قىرعىزستانعا) كەلۋگە ۇسىنىس جاسادى. ولار تەلەفون ارقىلى مەنى ۇستاعان جەردى، اكەلگەن مەكەمەنى، مەنى سوققىعا جىققان كامەرانى ءوزىم كورسەتۋىم ماڭىزدى ەكەنىن ايتتى»، - دەپ جازدى رۋزاحۋنوۆ. مۋزىكانت سىبايلاس جەمقورلىققا ءىس-قيمىل اگەنتتىگى ءوزىن قازاقستانعا كەلۋگە كوندىرگەنىن، ول ادۆوكاتىمەن كەلەتىنىن اتاپ ءوتتى.
سونداي-اق ۆيكرام رۋزاحۋنوۆ الەۋمەتتىك جەلىدەگى جازباسىنا اگەنتتىكتىڭ حاتىن تىركەدى. ايتا كەتەيىك، بيىل الماتىدا جاپپاي تارتىپسىزدىكتەر كەزىندە ۇستالعان مۋزىكانت ۆيكرام رۋزاحۋنوۆ قازاقستاندىق قۇقىق قورعاۋشىلار كۇش قولدانعانىن مالىمدەگەن ول جاۋاپ الۋ كەزىندە تانىمال مۋزىكانت ەكەنىن ايتقان، الايدا پوليسەيلەر بۇل اقپاراتتى تەكسەرمەگەن.