قىرعىزستاندا ەكپە سالدىرۋعا ءتيىس ازاماتتاردىڭ 25 پروسەنتى ۆاكسينالاندى، دەپ حابارلايدى almaty-akshamy.kz «حابار 24» سىلتەمە جاساپ.
دەنساۋلىق ساقتاۋ وكىلدەرىنىڭ مالىمدەۋىنشە، پرەپاراتتار تۋرالى تەرىس ءارى تەكسەرىلمەگەن اقپارات تاراتىلماسا، ەكپە سالدىرعانداردىڭ سانى ودان دا جوعارى بولار ەدى. ال وسى كەزدە قىرعىز دارىگەرلەرى QazVac ۆاكسيناسىن قولدانۋعا دايىن. ولار ساراپشىلاردىڭ تاۋەلسىز كوميتەتىنىڭ نۇسقاۋلارىن كۇتىپ وتىر.
ەلدە جاپپاي ۆاكسينالاۋ باستالعالى بەرى 586 مىڭ ادام ەكپە سالدىردى. بۇل ۆاكسينا الۋى مىندەتتى حالىقتىڭ تورتتەن ءبىر بولىگى. اسىرەسە، وڭتۇستىك ءوڭىردىڭ تۇرعىندارى بەلسەندى. مەديسينا قىزمەتكەرلەرى مەن بيلىككە جۇرتتىڭ سەنىمى كوپ بولسا، ۆاكسينالاۋ قارقىنى ۇدەيە تۇسەر ەدى، - دەيدى دەنساۋلىق ساقتاۋ مينيسترلىگىنىڭ وكىلدەرى.
قازاقستاندا شىعارىلعان ۆاكسينانىڭ 25 مىڭ داناسى قايىرىمدىلىق كومەك رەتىندە شىلدە ايىنىڭ باسىندا جەتكىزىلدى. ونىڭ جارامدىق مەرزىمى – 6 اي. دەنساۋلىق ساقتاۋ مينيسترلىگىنىڭ ءوزى ونى تەزىرەك قولدانۋعا مۇددەلى. ۇجىمدىق يممۋنيتەت قالىپتاستىرۋ ءۇشىن حالىقتىڭ 70 پروسەنتىن ۆاكسينالاۋ كەرەك.