بىشكەك ماڭىندا ارنايى وپەراسيا كەزىندە شەتەلدىك تۋريستەر - رەسەي، بەلارۋس جانە فرانسيا ازاماتتارى زارداپ شەكتى، دەپ حابارلايدى Almaty-akshamy.kz. 24.kg سايتىنا سىلتەمە جاساپ.
زارداپ شەككەندەردىڭ ءبىرى دميتريي انيسيمكوۆتىڭ ايتۋىنشا، ءورتتىڭ سالدارىنان ولاردىڭ بارلىق مۇلكى جانىپ كەتكەن.
«قابىرعانىڭ ارعى جاعىندا لاڭكەس تۇرعانى بەلگىلى بولدى. ساعات 6:00 دە بىزگە ازاماتتىق كيىم كيگەن ادامدار كەلىپ، ءبىزدى قۇتقارىپ الدى. ءبىز بارلىعىمىز 13 ادامبىز. رەسەي ازاماتتارى، بەلارۋس رەسپۋبليكاسىنان ءبىر ازامات جانە فرانسيا ازاماتى. ابىروي بولعاندا، ەشكىم زارداپ شەككەن جوق. ءبىراق ءورت باستالعان ۋاقىتتا زاتتارىمىز، اقشالار، بانك كارتالارىمىز جانىپ كەتتى. ءقازىر كانت قالاسىنىڭ پوليسيا بولىمشەسىنە كەلىپ، ايعاق بەرىپ جاتىرمىز»، - دەدى ول.
ەسكە سالايىق، 17 مامىردا تاڭەرتەڭ بىشكەك ىرگەسىندەگى دميترييەۆكا اۋىلىنداعى ۇيلەردىڭ بىرىندە اتىس بولدى. ىشكى ىستەر مينيسترلىگى وپەراسيا بارىسىندا قارۋلى قارسىلىق كورسەتكەن لاڭكەستىڭ جويىلعانىن حابارلادى. ارنايى وپەراسيا كەزىندە ەكى ءتارتىپ ساقشىسى زارداپ شەكتى. ءۇي يەلەرىنىڭ ايتۋىنشا، بىرنەشە كۇن بۇرىن ەر ادام ايەل، بالاسىمەن پاتەر جالداپ تۇرعان.