تۋريستەر سوڭعى رەت 19 شىلدەدە بايلانىسقا شىققان.
بۇل تۋرالى Almaty-akshamy.kz قىرعىزستاننىڭ تجم باسپا ءسوز قىزمەتىنىڭ مالىمەتىنە سۇيەنە وتىرىپ حابارلايدى.
جوعالعان الپينيستەر توبىندا ءتورت ادام بولعان، ولاردىڭ ۇشەۋى - رەسەيلىك جانە ليتۆانىڭ ءبىر ازاماتى.
"11 شىلدەدە الپينيستەر "اقساي تريەۆەل" كومپانياسى جانە تۋريستىك ساقتاندىرۋ پوليسىمەن كەلىسىمشارت جاساپ، ىستىقكولدەگى لاگەرگە قونىستاندى. سول كۇنى جەڭىس شىڭىنا اتتاندى. سوڭعى رەت تۋريستەر توبى 6900 مەتر بيىكتىكتى باعىندىرىپ، 19 شىلدەدە بايلانىسقا شىققان"، دەيدى باسپا ءسوز قىزمەتىنىڭ وكىلى.
"اقساي تريەۆەل" توپتىڭ سپۋتنيكتىك ورنىن انىقتاپ، 24-26 شىلدەدە جالعا الىنعان تىكۇشاقپەن ىزدەۋ وپەراسياسىن جۇرگىزدى، الايدا ودان ناتيجە شىقپاعان.
مينيسترلىك مالىمەتىنشە، 27 شىلدەدە رەسەيدىڭ تجم-نە جەدەل-ىزدەۋ شارالارىن وتكىزۋ بويىنشا رەسمي سۇرانىس ءتۇستى. سول كەزدە الپينيستەردى ىزدەۋگە "ەدەلۆەيس" وتريادىنىڭ 7 قۇتقارۋشىسى مەن قىرعىزستاننىڭ رەسپۋبليكالىق جەكە قۇتقارۋشى وتريادىنىڭ 16 قىزمەتشىسى قوسىلدى.
"قازىرگى تاڭدا تجم قىزمەتكەرلەرى كوشكىن ءجۇرۋ مەن شىڭعا شىعۋدىڭ باسقا دا قاتەرلەرىن ەسكەرە وتىرىپ، ىزدەۋ جۇمىستارىن قاۋىپسىزدىك شاراسىن قاتاڭ ۇستانىپ جۇرگىزۋدە"، دەپ اتاپ ءوتتى ۆەدومستۆودا.