2،5 جىلعا باس بوستاندىعىنان ايىرىلدى.
قىرعىزستان قازاقتارى قاۋىمداستىعىنىڭ بۇرىنعى باسشىسى مارات توكتوۋچيكوۆ مەملەكەتكە وپاسىزدىق جاساعانى ءۇشىن ەكى جىل التى ايعا باس بوستاندىعىنان ايىرىلدى، دەپ حابارلايدى Almaty-akshamy.kz 24 kg سىلتەمە جاساپ.
«بىشكەك قالاسىنىڭ ءبىرىنشى ماي اۋداندىق سوتىنىڭ ۇكىمىمەن توكتوۋچيكوۆ قىرعىزستان قىلمىستىق كودەكسىنىڭ «مەملەكەتكە وپاسىزدىق» بابى بويىنشا قىلمىس جاساعانى ءۇشىن كىنالى دەپ تانىلىپ، وعان ەكى جىل التى اي مەرزىمگە جالپى رەجيمدەگى تۇزەۋ كولونياسىندا باس بوستاندىعىنان ايىرۋ جازاسى تاعايىندالدى»، – دەپ جازىلعان حابارلامادا.
توكتوۋچيكوۆ مەملەكەتكە وپاسىزدىق جاسادى دەگەن كۇدىكپەن 2021 جىلدىڭ ساۋىرىندە ۇستالدى. ونىمەن بىرگە قىرعىز-رەسەي سلاۆيان ۋنيۆەرسيتەتىنىڭ حالىقارالىق قاتىناستار فاكۋلتەتىنىڭ ساياساتتانۋ كافەدراسىندا جۇمىس ىستەگەن ساياساتتانۋشى مارات قازاقپايەۆ تا ءدال وسىنداي ايىپپەن ۇستالدى.
قازاقپايەۆ پەن توكتوۋچيكوۆ قىرعىزستان ۇلتتىق قاۋىپسىزدىك مەملەكەتتىك كوميتەتىنىڭ (ۇقك) تەرگەۋ يزولياتورىنا قامالدى. 2022 جىلى 9 ماۋسىمدا قازاقپايەۆ دەنساۋلىعىنىڭ كۇرت ناشارلاۋىنا بايلانىستى بىشكەكتەگى №1 كلينيكالىق اۋرۋحاناعا جەتكىزىلدى. 10 ماۋسىمدا كومادان شىقپاي، اۋرۋحانادا قايتىس بولدى.