بۇل ەلدىڭ ەكونوميكالىق قاۋىپسىزدىگىن قامتاماسىز ەتۋ ءۇشىن جاسالعان
قىرعىزستاننىڭ ۇلتتىق بانكى كوممەرسيالىق بانكتەر، ايىرباستاۋ بيۋرولارى، ميكروقارجى جانە ميكروكرەديتتىك كومپانيالار ارقىلى قولما-قول دوللار ۆاليۋتاسىن ەلدەن شىعارۋعا ۋاقىتشا تىيىم سالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قىرعىزستان ۇلتتىق بانكىنىڭ باسپا ءسوز قىزمەتى تاراتقان مالىمەتتە قولما-قول شەتەل ۆاليۋتاسىمەن وپەراسيا جاساۋعا ۋاقىتشا شەكتەۋلەر جاسالعان.
«قىرعىزستان رەسپۋبليكاسىنىڭ ەكونوميكالىق قاۋىپسىزدىگىن قامتاماسىز ەتۋ جانە ىشكى ۆاليۋتا نارىعىنداعى جاعدايدى تۇراقتاندىرۋ ماقساتىندا ەلدىڭ ۇلتتىق بانكى باسقارماسى 11 ناۋرىزدا «كوممەرسيالىق بانكتەرگە، ايىرباستاۋ بيۋرولارىنا، رەسپۋبليكانىڭ ميكروقارجى جانە ميكروكرەديتتىك كومپانيالارىنا قاتىستى قولما-قول شەتەل ۆاليۋتاسىمەن وپەراسيا جاساۋعا ۋاقىتشا شەكتەۋلەر تۋرالى» قاۋلى قابىلدادى»، - دەلىنگەن حابارلامادا.
وسى قاۋلىعا سايكەس، قىرعىزستان ۇلتتىق بانكىنىڭ ليسەنزياسى بار كومبانكتەر، ايىرباستاۋ بيۋرولارى، ميكروقارجى جانە ميكروكرەديتتىك كومپانيالارعا 2022 جىلعى 11 ناۋرىز كۇنى ساعات 17:30-دان باستاپ اقش دوللارىن قىرعىزستاننان تىس جەرلەرگە اكەتۋگە ۋاقىتشا تىيىم سالىندى.